Bizimlə əlaqə | Reklam
BolgeXeber.Com » Sosial » Bu gün nadir təbiət hadisəsi olacaq

Bu gün nadir təbiət hadisəsi olacaq

11-12-2012, 08:00
Oxunub: 5 042 ABŞ-ın Milli Aviasiya və Kosmik Tədqiqatlar Agentliyinin (NASA) astronomlarının dediklərinə görə, "Catalina" layihəsi çərçivəsində aparılan araşdırmalar zamanı dünən aşkarlanmış 2012 XE54 asteroidi Yerdən 224900 km aralıdan keçəcək.

Bu asteroidin ölçüləri təxminən 40 metrdir.

Bolgexeber.com Space-ə istinadən bildirir ki, asteroidin Yerdən uzaqlığı planetimizdən Aya olan məsafədən 2 dəfə azdır.

"Catalina" layihəsi çərçivəsində aşkarlanmış 2012 XE54 asteroidinin mövcudluğunu Macarıstandakı Seqeda Universitetinin rəsədxanası, daha sonra isə Yaponiyadakı Moriyama rəsədxanasının alimləri təsdiqləyiblər.

2012 XE54 kiçik Apollon asteroidləri tipinə şamil olunub. Bu asteroidlər Yer orbitindən kənardakı kiçik planetlər olaraq Günəş sisteminin kənarı ilə hərəkət edirlər.

Bakı vaxtı ilə 21:53-də asteroid yerdən 0,0022 astronomik vahid aralıdan keçəcək.

ABŞ Planetologiya İnstitununun astronomu Paskuale Trikariko bildirib ki, asteroidin planetimizə yaxınlaşması zamanı çox nadir təbiət hadisəsi baş verəcək.

Belə ki, 2012 XE54 Yerin kölgəsindən keçəcək və "asteroid alatoranı" yaşanacaq.

Asteroid Yerin kölgəsinə Bakı vaxtı ilə 06:22-də daxil olacaq, 07:00-da isə kölgədən çıxacaq. Bu zaman o, 13-cü əmsallı ulduz kimi görünəcək.

Yəni asteroidi yalnız teleskop vasitəsilə müşahidə etmək mümkün olacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]