BolgeXeber.Com » Sosial » Bakı şəhərinin məktəblərində təhlükəsizlik hansı səviyyədədir?

Bakı şəhərinin məktəblərində təhlükəsizlik hansı səviyyədədir?

26-01-2018, 12:46

Oxunub: 4 008

Son zamanlar Rusiyanın orta məktəblərində silahlı hücumlar qeydə alınıb ki, bu də onlarla şagirdin xəsarəti ilə nəticələnib. Bundan əlavə, ABŞ-da tez-tez orta məktəblərə silahlı hücumlar edilir, girovlar götürülür, yaralananlar olur

Bakı şəhərindəki məktəblərin təhlükəsizlik məsələsinin hansı səviyyədə olduğunu müəyyənləşdirmək üçün Bakı şəhər üzrə Təhsil İdarəsini müraciət etdik.

İdarə FaktXəbər-in sorğusuna cavab olaraq bildirdi ki, Bakı Şəhəri üzrə Təhsil İdarəsinin tabeliyində fəaliyyət göstərən bir sıra təhsil müəssisəsində təhlükəsizliyin təmin olunması məqsədilə mühafizə xidmətinin təşkili DİN-in Mühafizə İdarəsinin əməkdaşları tərəfindən həyata keçirilir: “Eyni zamanda, mühafizə xidmətinə ehtiyac duyulan digər təhsil müəssisələrində də BŞTİ tərəfindən monitorinqlər keçirilir və müvafiq tədbirlər görülür.

Bəzi məktəblərdə şagirdlərin və müəllimlərin təhlükəsizliyini təmin etmək üçün valideynlərin təşəbbüsü və razılığına əsasən, özəl mühafizə xidməti fəaliyyət göstərir.

Bakı Şəhəri üzrə Təhsil İdarəsinin tabeliyində olan təhsil müəssisələrinin təhlükəsizliyini təmin etmək məqsədilə əksər məktəblərə müşahidə kameraları quraşdırılıb. Təhlükəsizlik kameraları əsasən məktəblərin ərazisini və dəhlizləri müşahidə etmək məqsədlərinə xidmət edir.

Yanğın zamanı təhlükəsizliyin təmin olunması üçün təhsil müəssisələri vaxtaşırı yanğından mühafizə balonları və digər avadanlıqlarla təmin olunur. Həmçinin, yanğın və digər fövqəladə hallar zamanı təhlükəsizlik qaydalarına əməl olunması məqsədilə FHN-in əməkdaşları tərəfindən təhsil müəssisələrində mütəmadi olaraq treninqlər və müvafiq maarifləndirmə tədbirləri həyata keçirilir.”

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]