Bizimlə əlaqə | Reklam
BolgeXeber.Com » Sosial » Şok! Dəm qazı zəhərlənməsindən qazananlar var

Şok! Dəm qazı zəhərlənməsindən qazananlar var

22-12-2012, 10:55
Oxunub: 5 206 Can qurtarmalı olanlar cana qəsd edir

Qışın gəlişi ilə Azərbaycanda dəm qazı zəhərlənmələrinin yenidən aktuallaşdığı hər kəsə bəllidir. Az qala hər gün baş verən analoji olayların bəzisində xəstə ailə üzvləri və həkimlərin müdaxiləsi sayəsində həyata qayıtsa da, bəzi hallarda nəticə daha ağır olur. Dəm qazından zəhərlənmə diaqnozu ilə sənədləşdirilən ölümlərin miqyası bu sahədəki durumun nə qədər acınacaqlı olduğunu göstərir.
Bugünlərdə etibarlı mənbədən Bolgexeber.com-a daxil olan məlumatda bəzi həkimlərin dəm qazı ilə boğulma hallarını gəlir mənbəyinə çevirməsi ilə bağlı şok informasiya yer alıb. Məlumata görə, vətəndaşların çağırışı əsasında mənzillərə yollanan həkimlər xəstənin vəziyyətinə müdaxilə etdikdən sonra xəstə yaxınları ilə əməlli-başlı alverə girişir: “Son vaxtlar dəm qazı ilə boğulma halları ilə bağlı təcili tibbi yardıma ünvanlanan vətəndaş müraciətləri bəzi həkimlər üçün əlavə gəlir mənbəyinə çevrilib. Belə ki, yardım çağırışı əsasında hərəkətə keçən həkimlər xəstəni müayinə edib vəziyyətini stabilləşdirdkdən sonra xəstə yaxınlarına müəyyən sənədləşdirmə proseduru aparmalı olduqlarını bildirir. Ailə üzvlərinə bildirilir ki, onlar dəm qazı ilə bağlı boğulma halları ilə əlaqədar olaraq hökmən polisi məlumatlandırmalıdırlar. Polisin hadisə yerinə gəlişi isə yeni və mahiyyət etibarilə daha ağır sənədləşdirmə proseduru tələb edəcək. Həkimlərin xəstə yaxınlarına verdiyi məlumata görə, polisin hadisə yerinə gəlişi ilə baş verən olayla bağlı əlavə tədbirlər də görüləcək. Dəm qazından zəhərlənməyə səbəb olan soba söküləcək, vətəndaş standartlara cavab verməyən, insan həyatı üçün təhlükə kəsb edən istilik sistemindən istifadə etdiyi üçün cəriməyə məruz qoyacaq. Təbii, proseslərin bu şəkildə inkişafı əksər vətəndaşlar üçün arzuedilməz hesab edilir və buna görə də onlar çağırışa gələn həkimə müəyyən məbləğdə “hörmət” etməklə məsələni birdəfəlik həll etməyə çalışır. Bundan sonra həkim tibbi yardım alan xəstə üçün tərtib etdiyi sənədə onun dəm qazından deyil, hər hansı digər xəstəlikdən əziyyət çəkdiyini, tibbi yardımın da ona bu yöndə göstərildiyini qeyd edir. Beləliklə də, həkimin “humanistliyi” sayəsində ölüm mənbələri aradan qaldırılmamış qalır. Bu isə yeni və ölümcül təhlükələr deməkdir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]