Bizimlə əlaqə | Reklam
BolgeXeber.Com » Sosial » Avtomobilin nömrəsinin üstündən Azərbaycan bayrağı silindi

Avtomobilin nömrəsinin üstündən Azərbaycan bayrağı silindi

30-01-2013, 12:30
Oxunub: 5 615 Kamran Əliyev: “Bu qanun pozuntusudur, həmin sürücü cərimələnəcək”

Bakıda sürücü avtomobilinin nömrəsinin üstündəki Azərbaycan bayrağını pozub. Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev Gün.Az-a açıqlamasında bildirib ki, sürücünün bu hərəkəti İnzibati Xətalar Məcəlləsinin 155.3-cü maddəsinə görə qanun pozuntusudur.
Həmin maddəyə görə sürücü standarta uyğun olmayan dövlət nömrə nişanlı avtomobil sürdüyü üçün 4 bal və 60 manat miqdarında cərimələnəcək. “Ümumiyyətlə qanunvericiliyin tələblərinə uyğun olaraq sürücülər avtomobillərinə standartlara uyğun dövlət nömrə nişanı vurmalıdır. Həmin nişanların üstünü pozmaq, dəyişdirmək olmaz. Bu qanunun pozulması deməkdir”.
Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisiVaqif Əsədov da məsələyə münasibət bildirib ki, həmin avtomobil yol polisi əməkdaşları tərəfindən yolda müşahidə edildikdə saxlanılacaq və istismardan çıxarılacaq.
Həmin sürücü avtomobilə qanunun tələblərinə uyğun dövlət nömrə nişanı vurduqdan sonra yenidən istismara çıxa bilər.
İnzibati Xətalar Məcəlləsi, 155.3. “Dövlət qeydiyyat nişanları və ya onlardan birinin olmamasına, saxta və ya mövcud standartlara uyğun olmayan və ya başqa nəqliyyat vasitələrinə verilmiş dövlət qeydiyyat nişanları ilə nəqliyyat vasitələrini idarə etməyə görə - qırx manatdan altmış manatadək miqdarda cərimə edilir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]