BolgeXeber.Com » Sosial » Sərdar Cəlaloğlundan qubadlılara ağır sözlər

Sərdar Cəlaloğlundan qubadlılara ağır sözlər

23-04-2013, 09:55
Oxunub: 5 410 Qaçaqçılıq hərəkatı və Qaçaq Nəbinin həyat yoldaşı Həcərlə bağlı verdiyi açıqlamadan sonra qubadlıların hədəfinə gələn Azərbaycan Demokrat Partiyasının sədri Sərdar Cəlaloğlu hafta.az-a açıqlama verib. Partiya sədri deyib ki, qubadlıların əsəbləşməyə əsasları yoxdur. "Verdiyim açıqlamada nə Azərbaycan xanımlarını, nə də qubadlıları təhqir etməmişəm. Demişəm ki, Həcər Azərbaycan xanımlarına nümunə göstəriləcək birisi deyil. Düzdür, Qaçaq Nəbinin xidmətləri olub, vuruşub. Ancaq Həcər o qadındır ki, Nəbi öləndən sonra bir neçə kişiyə ərə gedib. Bu qadını Azərbaycan xanımlarına necə nümunə göstərək? Mən sözümü demişəm, həmişə də deyirəm. Qubadlıların iradları yersizdir. Onlar özlərinə qəhrəman obrazı seçmək istəyirlərsə, Sultan bəy kim adamı nümunə götürsünlər. Erməni ilə vuruşub, Andronikin qulağını kəsib. Yoxsa Həcər kimi nümunə yox. Qubadlılar Həcər ruhlu olduğuna görə, Qubadlını qoyub gəldilər. Onlar Sultan bəy ruhunda olsaydılar, nə Qubadlı işğal olunardı, nə də bu söz-söhbət yaranardı"