Bizimlə əlaqə | Reklam
BolgeXeber.Com » Sosial » «MedicalPlaza» -da qiymətlərdə soyğunçuluq

«MedicalPlaza» -da qiymətlərdə soyğunçuluq

24-04-2013, 10:40
Oxunub: 5 102 Buradakı qiymət özbaşnalığı xəstələri müflis etməyə hesablanıb

Azərbaycanda fəaliyyət göstərən özəl klinikalardakı qanunsuzluqlar, xəstələrin aldadılması faktları, rüşvət və korrupsiyalarla bağlı çeşidli informasiyalar yayımlanmaqdadır. Ölkənin səhiyyə sistemində adi hala çevrilmiş bu olayların daha da artması isə insanları şoka salır.

Artıq bir neçə klinikada analizlərə və müayinələrə görə tələb olunan məbləğin artması xəstə yaxınlarının ciddi narazılığına səbəb olub.

Gələn şikayətlər arasında reklam çarxları televiziyalarda yayımlanan və bu iş üçün küllü miqdarda vəsit ayıran «MedicalPlaza» ilə bağlı gələn xəbərlər daha dəhşətlidir. Belə ki, burada bəzi tibbi avadanlıqlardan istifadəyə görə qiymətlər süni şəkildə şişirdilir və vətəndaşlardan elementar tibbi xidmətlər üçün fantastik rəqəmlər tələb olunur.

azxeber.com-un elektron ünvanına göndərilən şikayət məktubunda, bu yaxınlarda avtomobil qəzasına düşmüş şəxslərdən biri "narkoz"dan ayıla bilmədiyi üçün süni aparata qoşulduğu qeyd olunub. Həmin aparatdan gündəlik istifadənin qiyməti isə 700 manatdır. Xəstənin iki aydır aparat vasitəsi ilə yaşadığı deyilir və bu isə təqribən 42 min manat deməkdir:

«Ancaq heç bir nəticə vermədiyi üçün son çərə olaraq mətbuata müraciət etməyi qərara aldım. Yaxın qohumum avtomobil qəzasına düşdükdən sonra onu «MedicalPlaza»ya apardıq. Artıq iki aydır ki, o aparata qoşulu şəkildə həyatda qalır. Aparatdan gündəlik istifadənin qiyməti isə 700 manatdır. Bu isə təqribən 42 min manat deməkdir. Özünüz araşdırma aparsanız klinikalarda olan özbaşınalığın şahidi ola bilərsiniz”.

Qeyd edək ki, şikayətçi yaxın günlərdə bir qrup xəstəylə birlikdə Səhiyyə nazirliyinə müraciət edəcəklərini söyləyib.

Məsələylə bağlı qarşı tərəfin də münasibətini yayımlamağa hazırıq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]