BolgeXeber.Com » Sosial » Ekologiya və Təbii Sərvətlər Nazirliyi “Azərsu”nu cərimələdi

Ekologiya və Təbii Sərvətlər Nazirliyi “Azərsu”nu cərimələdi

20-08-2010, 16:15
Oxunub: 2 925
Ekologiya və Təbii Sərvətlər Nazirliyi və Daxili İşlər Nazirliyinin əməkdaşları Xəzərsahili ərazilərdə çirkab sularının idarə olunması vəziyyətini yoxlamaq məqsədilə reyd keçiriblər.

Ekologiya və Təbii Sərvətlər Nazirliyinin mətbuat xidmətindən "Bolgexeber.com" xəbər portalına daxil olan məlumata görə, Bakı şəhər Kanalizasiya Xidmətləri İdarəsinin balansında olan “Buzovna”, “Sahil” Bioloji və “Zığ” Mexaniki Təmizləmə Qurğularına daxil olan çirkab sular təmizlənmədən və zərərsizləşdirilmədən Xəzər dənizinə axıdıldığına görə Bakı şəhər Kanalizasiya Xidmətləri İdarəsi hüquqi şəxs qismində cəmi 27000 manat məbləğində cərimə edilib.

“Azərsu” SC-nin balansında olan Hövsan Aerasiya Stansiyasına və Xocahəsən Mexaniki Təmizləmə qurgusuna daxil olan çirkab sular təmizlənmədən və zərərsizləşdirilmədən Xəzər dənizinə axıdıldığına görə “Azərsu” SC hüquqi şəxs qismində cəmi 22500 manat məbləğində cərimə olunub.

Sumqayıt şəhəri Xəzər sahili ərazidə məişət çirkab sularının təmizlənmədən birbaşa və ya yeraltı horizontlarla Xəzər dənizinə sızdığına görə “Ləpədöyən” iaşə obyektinin iş icraçısı Ə.Qəniyev, “Duyğu” iaşə obyektinin işicraçısı E.Məmmədov, “Liman” iaşə obyektinin iş icraçısı Ə.Axundov, “Çaydaşı” iaşə obyektinin iş icraçısı H.İsayev, “Flaqman” iaşə obyektinin iş icraçısı V.Mehdiyev, “Ağ gecələr” iaşə obyektinin iş icraçısı A.Haqverdiyev, “Gilavar” iaşə obyektinin işicraçısı R.Əvəzov, “Ümid” iaşə obyektinin iş icraçısı H.Tağıyev, “Cürət” iaşə obyektinin iş icraçısı B.Quliyev. “Nicat” iaşə obyektinin iş icraçısı N.Məmmədov, “Dərya” iaşə obyektinin iş icraçısı S.Mehdiyev, “Yaxta” iaşə obyektinin iş icraçısı E.Rüstəmov, “Corat-313” iaşə obyektinin iş icraçısı M.Abdullayev, “Dalğa” iaşə obyektinin iş icraçısı T.Əliyev, “Elit” iaşə obyektinin iş icraçısı V.Cavadov, “Narınqala” iaşə obyektinin iş icraçısı Ç.Quliyev. I Sumqayıt TQİ-nin istirahət mərkəzinin iş icraçısı İ.Dünyamalıyev, “Sunset” iaşə obyektinin iş icraçısı N.Qarayev, “Gəmi” iaşə obyektinin iş icraçısı Ş.Əhmədov, hər biri fiziki şəxs qismində inzibati qaydada 600 manat məbləğində cərimə olunublar.

Sumqayıt şəhəri Xəzər sahili ərazidə məişət çirkab sularının təmizlənmədən birbaşa və ya yeraltı horizontlarla Xəzər dənizinə sızdığına görə “Sahil” istirahət mərkəzinin iş icraçısı A.Əmirov, “Dostluq” iaşə obyektinin iş icraçısı C.Dadaşov, “Apelsin Beach” iaşə obyektinin iş icraçısı N.Əzizov, hər biri fiziki şəxs qismində inzibati qaydada 650 manat məbləğində cərimə olunub.