Bizimlə əlaqə | Reklam
BolgeXeber.Com » Sosial » SOCAR-ın işçiləri Binəqədidə pensiyaçının evini başına uçurdular

SOCAR-ın işçiləri Binəqədidə pensiyaçının evini başına uçurdular

3-09-2013, 15:50
Oxunub: 6 811 “15-20 nəfər idilər, hucum edib həyətdəki evimi uçurdular. Mən oranı 10 gün idi ki, tikmişdim. Mətbəx kimi istifadə edəcəkdim” - bu sözləri “Yeni Müsavat”a Binəqədi rayon sakini Vasif Əliyev deyib. Onun sözlərinə görə Binəqədi rayonu, 1-ci Mədən küçəsi ev 672 ünvanında 4 ildir ki, yaşayır: “Pensiyaçıyam, aldığım pensiya pulunu üst-üstə yığıb həyətdə balaca bir mətbəx tikmişəm. Həyətim sot yarımdır, 4 il əvvəl həmin ünvanın alanda mənə Binəqədi Rayon Bələdiyyəsi sənəd də verib. SOCAR-ın həmin yerə aidiyyatı yoxdur. Mən öz torpağımda, həyətimin içində mətbəx tikdim. Bundan Dövlət Neft Şirkətinin mühafizə xidmətinin əməkdaşları xəbər tutdu. Gəlib mətbəxi uçurdular. Həyətimə 15-20 nəfər soxuldular, dedilər sökürük. Mən də dedim ki, əgər qeyrətiniz çatırsa gedin heç olmasa Ağdamın 1 kəndini alın, üstümə dəstə ilə niyə gəlmisiz? Nə özlərini təqdim etdilər, nə də məhkəmədən sənəd göstərdilər. Bircə onu deyirdilər ki, “Binəqədi oyl”dan müavin göstəriş verib.

V.Əliyev məsələ ilə bağlı hara üz tutmalı olduğunu da bilmir: “Mənə qarşı bu quldurluqla bağlı sözümü kimə deyim bilmirəm. Hər halda qəzetinizi Neft Şirkətinin rəhbərliyi oxuyur. Qoy onlar öz qoçu dəstələrinə quldurluq etməyi yasaqlasınlar. Mən illərlə qəpiyi-qəpiyin üstünə qoyub mətbəx tikdim, bir neçə dəqiqənin içində başıma uçurdular. Bununla Neft Şirkəti nə qazandı?”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]