BolgeXeber.Com » İdman » "Milan" "Barsa"nı,"Şalke" "Qalatasaray"ı çətin vəziyyətə saldı

"Milan" "Barsa"nı,"Şalke" "Qalatasaray"ı çətin vəziyyətə saldı

21-02-2013, 09:40

Oxunub: 3 959

Bu gün Çempionlar Liqasının 1/8 final mərhələsinin ilk oyunlarına yekun vurulub.
Son oyun günündə bütün diqqətlər Milana yönəlib. Burada eyniadlı komanda ÇL-in favoriti olan “Barselona”nı qəbul edib. Əksər proqnozların əksinə olaraq, "Milan" bu görüşdə Kataloniya təmsilçisi 2:0 hesabı ilə məğlub edib. Bununla da, "Barsa"nın növbəti mərhələyə keçməsi çətinləşib. Tito Vilanovanın komandasına istəyinə çatması üçün cavab görüşündə ən azı üç top fərqlə qalib gəlməsi lazımdır.
Azərbaycanlı azarkeşlər üçün İstanbulda baş tutan “Qalatasaray” – “Şalke” qarşılaşması da az maraq doğurmurmu. Görüşdə hesabı İstanbul kluba açsa da, Fatih Terimin komandası üstünlüyü qoruya bilməyib - 1:1. Bu cütlüyün taleyinə Almaniyadakı cavab görüşündə aydınlıq gələcək.

20 fevral
23.45. “Milan” (İtaliya) – “Barselona” (İspaniya) - 2:0
Qol: Boatenq, 58 (1:0), Muntari, 81 (2:0)

23.45. “Qalatasaray” (Türkiyə) – “Şalke” - 1:1
Qollar: Burak Yılmaz, 13 (1:0), Cons, 45 (1:1)
19 fevral
23.45. “Arsenal” (İngiltərə) - “Bavariya” (Almaniya) - 1:3
23.45. “Porto” (Portuqaliya) - “Malaqa” (İspaniya) - 1:0

13 fevral
“Real” (İspaniya) – “Mançester Yunayted” (İngiltərə) - 1:1
“Şaxtyor” (Ukrayna) – “Borussiya” (Dortmund, Almaniya) - 2:2
12 fevral
“Valensiya” (İspaniya) – PSJ (Fransa) - 1:2
“Seltik” (Şotlandiya) – “Yuventus” (İtaliya) - 0:3

Çox Oxunanlar