BolgeXeber.Com » İdman » “Qalatasaray”ın səfər, “Barselona”nın ev sınağı

“Qalatasaray”ın səfər, “Barselona”nın ev sınağı

12-03-2013, 09:05
Oxunub: 4 822 Bu həftə Çempionlar Liqasında 1/8 final mərhələsinə yekun vurulacaq. Apasport.az saytının məlumatına görə, cavab oyunları çərçivəsində son 4 matç baş tutacaq. Bu qarşılaşmalardan ikisi bu gün, ikisi isə sabah keçiriləcək.

Bugünkü qarşılaşmalar daha çox maraq kəsb edir. Belə ki, Azərbaycanda kifayət qədər azarkeşi olan Türkiyənin “Qalatasaray” və İspaniyanın “Barselona” klubları 1/4 finalın 1 addımlığında çətin sınağa çıxacaq.

İstanbul təmsilçisi öz meydanında məğlub edə bilmədiyi “Şalke” ilə Almaniyada görüşəcək. Türkiyədəki 1:1 hesablı heç-heçədən sonra “Qalatasaray” ya qələbə qazanmalı, ya da məhsuldar heç-heçəyə ümid etməlidir.

“Barselona” evdə oynasa da, işi daha çətindir. İtaliyada Milanın eyniadlı təmsilçisindən 2 cavabsız qol buraxan kataloniyalılar bu məğlubiyyətin əvəzini çıxmalıdır. Milanlıların bu üstünlüyü qorumağa çalışacağını nəzərə alsaq, son matçlarda enişdə olan ispaniyalılar üçün bu heç də asan olmayacaq.


12 mart
“Barselona” (İspaniya) – “Milan” (İtaliya)
İlk oyun – 0:2

“Şalke” (Almaniya) – “Qalatasaray” (Türkiyə)
İlk oyun – 1:1