BolgeXeber.Com » İdman » Fariz Məmmədovdan növbəti qələbə

Fariz Məmmədovdan növbəti qələbə

24-03-2013, 11:35

Oxunub: 5 185

Azərbaycanın peşəkar boksçusu, “Qəbələ” boks klubunu təmsil edən Fariz Məmmədov 2013-cü ildə keçirdiyi ilk döyüşdə qələbə qazanıb.

Almaniyanın paytaxtı Berlinin “Merkur” arenasında baş tutan döyüşdə F.Məmmədovun rəqibi 36 yaşlı polşalı boksçu Mariuzs Biskupski olub. Altı raundluq reytinq döyüşü idmançımızın xal hesablı qələbəsi ilə başa çatıb.

Yeri gəlmişkən, F.Məmmədov rəqibini iki dəfə noqdauna salıb.

Xatırladaq ki, bu, səkkiz illik fasilədən sonra F.Məmmədovun peşəkar rinqdə ikinci döyüşü olub. Bundan əvvəl o, erməni boksçu Jeqise Tomazyana nokautla qalib gəlmişdi.

Qol.Az saytının müxbiri ilə söhbətində F.Məmmədov döyüşün ağır keçdiyini, lakin vəd etdiyi kimi, rəqibinə qalib gəldiyini bildirib. O, bu qələbəni bu yaxınlarda dünyasını vaxtsız dəyişmiş dostu Mübariz Nəcəfova həsr etdiyini söyləyib.

Çox Oxunanlar