BolgeXeber.Com » İdman » Levandovski yenidən ən yaxşı futbolçu seçildi

Levandovski yenidən ən yaxşı futbolçu seçildi

1-01-2021, 10:58
Oxunub: 4 118 İspaniyanın "Marca" nəşri 2020-ci ilin ən yaxşı futbolçusunu müəyyənləşdirib.
"Report"un məlumatına görə, qalib adını Almaniyanın "Bavariya" klubunun və Polşa millisinin hücumçusu Robert Levandovski qazanıb. İkinci yeri Münhen təmsilçisinin daha bir oyunçusu Coşua Kimmix tutub. Fransa PSJ-sinin forvardı Kilian Mbappe isə üçüncü olub.
İtaliya "Yuventus"unun hücumçusu Kriştianu Ronaldu dördüncü, İspaniya "Barselona"sının kapitanı Lionel Messi isə 10-cu yerlə kifayətlənib.
Qeyd edək ki, Robert Levandovski 2020-ci ildə "Bavariya"nın heyətində Almaniya çempionu, ölkə Super Kuboku, Çempionlar Liqası və UEFA Super Kubokunun qalibi olub. O, habelə, 34 qolla ardıcıl üçüncü mövsüm Bundesliqanın, 6 qolla ardıcıl dördüncü mövsüm Almaniya Kubokunun və 15 qolla ilk dəfə Çempionlar Liqasının bombardiri olub.
Daha əvvəl o, FIFA versiyası üzrə ilin ən yaxşı futbolçusu və "Globe Soccer Awards" mükafatına sahib çıxıb.