BolgeXeber.Com » BÖLGƏ TV » Nabran çimərliyində mal-qara (VIDEO)

Nabran çimərliyində mal-qara (VIDEO)

16-06-2014, 15:55

Oxunub: 3 825

Nabran çimərliyində, keçən il olduğu kimi, bu ildə insanlarla yanaşı mal- qaranı da görmək olur

Sahil boyu çimərlik zolağında yatan, yem axtaran iri buynuzlu heyvanlara rast gəlirsən. Bir neçə gündən sonra bura dincəlmək üçün çoxlu insanlar gələcək. Hər tərəf natəmiz, səliqəsiz, mal peyini və zibillə doludur. Sahil boyu mövsümi çimərlik güşələri qurulsa da, Nabran heyvan oylağına çevrilib. Obyekt işçiləri və bağ evinə gəlmiş paytaxt sakinləri bu işə rəsmi qurumların əncam çəkməsini tələb etdilər.

Paytaxt sakini Tariyel Həşimovun sözlərinə görə, mal-qaranı yığışdırmırlar, səhər- səhər özbaşına buraxırlar, hara getdi- getdi. Dənizdə uşaqlar çimə bilmir.

Qeyd edək ki, bu mövzunu keçən il də işləmişdik, yerli qurumlar da həmin əraziyə mal- qara yiyələrinin cəzalandırılacağını demişdilər.

Nabran Bələdiyyəsinin sədri Qüdrət Qədimov bu dəfə dəniz sahilinə ev heyvanlarını buraxan sakinlərin inzibati şəkildə cəza alacaqlarını bildirdi.

Xaçmaz Gigiyena - Epidemiologiya Mərkəzinin direktoru Bəxtiyar Haqverdiyev isə bu halları aradan qaldırmaq üçün ərazidəki bələdiyyə sədrlərinə rəsmi məktub göndərdiklərini dedi. “Hər il aprel ayının 15- dən başlayaraq ayda 2 dəfə dəniz sularını götürüb onların bakteroloji müayinəsini yoxlayırıq, orda suyun çirklənməsini öyrənirik. Nabran çimərliyinə mal- qaranın buraxılmaması ilə bağlı reydlərin də başlanacağıq”-dedi.ans

Çox Oxunanlar