Bizimlə əlaqə | Reklam
BolgeXeber.Com » BÖLGƏ TV » Bakıda «Ələsgər» siqnalının canlı variantı... – VİDEO

Bakıda «Ələsgər» siqnalının canlı variantı... – VİDEO

18-07-2014, 15:20
Oxunub: 4 333 Yol polisi «Ələsgər» siqnalını iki dəfə sökür, sürücü yenə alıb quraşdırır

Cəriməsi artdıqca qadağan olunmuş siqnallardan istifadə edənlərin də sayı artır
İnzibati Xətalar Məcəlləsinin müvafiq maddəsinə görə nəqliyyat vasitələrində çoxavazlı səs siqnallarından istifadə etmək qadağandır. Bunun cəriməsi isə bir neçə ay öncə qanuna edilən dəyişiklikdən sonra 700 manata qədər artırılıb.

Lakin maraqlısı budur ki, müxtəlif heyvan səsləri çıxaran, biabırçı ifadələr səslənən həmin səs siqnallarından istifadə halları məhz cərimələr artırılandan sonra daha da çoxalıb. Siqnal həvəskarlarının «Danq-danq», «Fi-fa», «Ələsgər» kimi adlar verdiyi səs siqnallarını avtomobillərə vurmaq nə qədər böyük həvəs olsa da, büdcəni də düşünmək lazımdır. 50 manatdan 5 min manata qədər dəyəri olan bu siqnalları yol polisi aşkar etdikdə protokollaşdırılır və məhkəmə qərarı ilə müsadirə edirlər.

Üstəlik, sürücü 700 manata qədər cərimə də ödəməli olur. Əlbəttə, bu rəqəmləri nəzərdən keçirdikdə düşünmək olar ki, yəqin, həmin siqnallardan yalnız imkanlı şəxslər istifadə edirlər. Ancaq bu gün araşdırsaq görərik ki, bankdan kredit götürüb maşınına «Ələsgər» siqnalı qoyanlar da var.

İzlədiyiniz bu videorolik isə məhz siqnal həvəskarları üçün hazırlanıb. Yol polisi «Ələsgər» siqnalını iki dəfə sökür, sürücü yenə alıb quraşdırır. Axırda isə sürücü həmin siqnalın canlı variantını maşına mindirir. Bununla da yol polisi çarəsiz qalır və «siqnal»ı sökə bilmir.

avtosfer.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]