BolgeXeber.Com » BÖLGƏ TV » Tərtərdə yeni məktəbin açılışı olub-VİDEO

Tərtərdə yeni məktəbin açılışı olub-VİDEO

17-09-2014, 13:40

Oxunub: 2 772

Rayon rəhbəri birincilərə öz hədiyyələrini təqdim edib

Cəbhə bölgəsində yerləşən Borsunlu kəndinin müəllim və şagird kollektivinin bu günlərdə sevincinin həddi-hüdudu yoxdur. Onlar “Bilik günü”nü əsaslı təmirdən yenicə çıxmış 150 şagird yerlik məktəb binasında qeyd etmişlər.

Tədbir iştirakçıları əvvəlcə torpaqlarımızın bütövlüyü uğurunda canlarından keçmiş şəhidlərin xatirəsinə ucaldılmış abidənin önünə gül-çiçək dəstələri qoymuşlar. Sonra məktəbin açılış münasibəti ilə təşkil olunmuş tədbiri rayon təhsil şöbəsinin müdiri Aydın Qarayev açmış, Borsunlu kənd tam orta məktəbin direktoru Tuğay Axundov, kənd ağsaqqalı Qədir Hüeynov, məktəbin şagirdi İsmayıl Namazov öz ürək sözlərini bildirmişlər.

Açılışda iştirak edən rayon icra hakimiyyətinin başçısı Azərbaycan Respublikasının Prezidenti cənab İlham Əliyevin cəbhə bölgəsində yaşayan insanlara, məktəblilərin təhsilinə göstərdiyi diqqət və qayğıdan danışaraq, bu istiqamətdə Heydər Əliyev Fondunun prezidenti Mehriban xanım Əliyevanın gördüyü işləri xüsusi olaraq vurğuladı. Sonra respublika prezidentinə və onun xanımına tərtərlilərə göstərdikləri diqqət və qayğıya görə öz minnətdarlığını bildirdi.

Rayon icra hakimiyyətinin başçısı Müstəqim Məmmədov və millət vəkili Sahib Alıyev məktəbin açılışının zəmzi olan qırmızı lenti kəsdilər, onlarla birlikdə digər qonaqlar da məktəbin şəraiti ilə tanış oldular. Rayon rəhbəri birincilərə öz hədiyyələrini təqdim etdi.
Bolgexeber.com

Çox Oxunanlar