Bizimlə əlaqə | Reklam
BolgeXeber.Com » BÖLGƏ TV » Sumqayıtda tapança ilə tutulan şəxs: “Namaz qılan adamam” (VİDEO)

Sumqayıtda tapança ilə tutulan şəxs: “Namaz qılan adamam” (VİDEO)

18-09-2014, 17:05
Oxunub: 3 640 Saxlanılan şəxs tapançanı bir ay öncə ziyarətə gedərkən yol kənarından tapdığını bildirib

Sumqayıt şəhər Baş Polis İdarəsinin 2-ci polis bölməsinin əməkdaşları gecə saat 02.00 radələrində şəhər sakini Hümbətov Yusif İsrafil oğlunu şübhəli şəxs qismində yaxalayıblar. APA TV-nin məlumatına görə, onun üzərinə baxış keçirilərkən "Makarov" tipli odlu silah, 2 güllə və sandıqca aşkar olunub. Saxlanılan şəxs tapançanı bir ay öncə ziyarətə gedərkən yol kənarından tapdığını bildirib.
“Ziyarətə gedirdim, ayağıma paket dəydi. Atdım vedrənin içinə, gizlətdim, sonra getdim Rusiyaya. Ayın 30-da qayıtdım. Fermanın yanından keçəndə yadıma düşdü ki, silah gizlətmişəm . Götürdüm, istədim aparıb 2-ci bölməyə təhvil verim. Kafedə oturmuşdum, çay içirdim, gördüm polis əməkdaşları yaxınlaşdılar. Dedilər gedək bölməyə, üstündə nə var? Dedim, tapança var, vəssəlam”.
İdarədə təkrar-təkrar səmimi olduğunu deyən Yusif Hümbətov silahı həqiqətən tapdığını, ondan istifadə etmək niyyətində olmadığını bildirib. Müxbirimizin “belə çıxır ki, satmaq niyyətiniz olmayıb” sualı saxlanan şəxsin xoşuna gəlməyib.
“Nə danırsan, namaz qılan, Allaha ibadət edən adamam. Bu şey mənə lazımdı”.
Polisdən isə bildiriblər ki, Yusif Hümbətov əməliyyat məlumatı əsasında saxlanılıb. Faktla bağlı Cinayət Məcəlləsinin 228.1 (qanunsuz olaraq silah , onun komplekt hisslərini döyüş sursatı , partlayıcı maddələr və qurğular əldə etmə satma daşıma saxlama gəzdirmə) və maddəsi ilə cinayət işi başlanıb.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]