BolgeXeber.Com » BÖLGƏ TV » Bakıda yol çökdü, minlərlə maşın tıxacda qalıb –VİDEO

Bakıda yol çökdü, minlərlə maşın tıxacda qalıb –VİDEO

3-11-2014, 16:50

Oxunub: 3 848

Bakının Nizami rayonundakı Babək prospektində yol çöküb. Musavat.com-un verdiyi məlumata görə, “Xalqlar Dostluğu” metrostansiyası yaxınlığındakı körpünün əsas yolunda baş verən bu çöküntü səbəbindən avtomobillərin uzun tıxacı yaranıb.

“Baku Medical Plaza”nın qarşısında yolun tam ortası iki hissədə çöküb. Yolun çökməsi avtomobillərin hərəkətini iflic hala salıb. Bir neçə marşrut avtobusu da tıxacda qalıb.

Sürücü və sərnişinlər isə fəryad edirlər: “1 saatdır ki, burda qalmışıq. Belə şey olar? Bu körpünü bir-iki ildir ki, tikiblər. Yollara milyonlar xərcləyiblər. Amma çox keçmir ki, hamısı bərbad hala düşür. Əziyyət çəkənlər də biz oluruq”.

Tıxacda qalan taksi sürücülərindən biri çəkiliş apardığımızı görən kimi, şikayətini dilə gətirdi: “Bayaqdan tıxacdayıq. Xırda-xırda hərəkət edirik. Buna nə benzin çatar, nə də səbir... Maşında müştərim var idi, düşüb, getdi. Hə, mən indi nə edim? Yolları təmir edəndə günlərlə zülm çəkirik. Yenə də deyirik ki, cəhənnəmə ki, heç olmasa, yollar düzəlir. Təmir bitəndən sonra da həmin yol çökür, dağılır. Yenə də zülm çəkirik, tıxacda qalırıq. Nə dəyişdi?”

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]