BolgeXeber.Com » BÖLGƏ TV » Gizli nömrədən zəng gələndə nə etməli? - VİDEO

Gizli nömrədən zəng gələndə nə etməli? - VİDEO

20-06-2015, 09:09
Oxunub: 2 022 Gizli nömrədən zəng gələndə nə etməli? - VİDEOƏgər hüquq-mühafizə orqanı zəngin telekommunikasiya qanunvericiliyinin pozulması kimi qiymətləndirərsə, təqsirkarı 10 manatdan 30 manatadək cərimə gözləyir

Mobil operatorların gizli zəng xidməti vasitəsilə insanları narahat edənlər az deyil. Bəzən bu cür xuliqanlıq hadisələri hətta cinayətlə nəticələnir. "Xəzər Xəbər" gizli zəng xidmətinin yaratdığı problemləri və onların həlli yollarını araşdırıb.

Hüquqşünaslar bildirirlər ki, belə olan halda vətəndaşların yeganə çıxış yolu hüquq-mühafizə orqanlarına yazılı məlumat verməkdir. Əgər hüquq-mühafizə orqanı zəngin telekommunikasiya qanunvericiliyinin pozulması kimi qiymətləndirərsə, təqsirkarı 10 manatdan 30 manatadək cərimə gözləyir. Ancaq gizli zəngdə kiçik xuliqanlıq əlamətləri olarsa cəzalar da sərtləşir.

Ancaq mütəxəssislər qanunvericilikdəki cəzaların bu tipli problemlərin kökündən həll olunması baxımından kifayət hesab etmirlər. Azərbaycanda fəaliyyət göstərən mobil operatorlardan birinin verdiyi məlumata görə, gizli zəng xidməti zamanı hər hansı bir vətəndaş narahat olsa belə, hüquq-mühafizə orqanlarının tələbi olmadan narahat olan şəxsə, qarşı tərəf haqqında məlumat vermək səlahiyyətində deyillər.

Onda belə çıxır ki, vətəndaş hüquq-mühafizə orqanlarına məlumat verənə qədər istənilən şəxs gizli zəng xidməti ilə istənilən adamı günlərlə, hətta aylarla narahat etməyə davam edə bilər. Belə olan halda mobil operatorlar "gizli zəng" xidmətini niyə göstərirlər? /Xezerxeber.com/