BolgeXeber.Com » BÖLGƏ TV » Rüşvəti araşdıran jurnalisti güllələdilər - VİDEO,FOTO

Rüşvəti araşdıran jurnalisti güllələdilər - VİDEO,FOTO

16-09-2015, 17:07

Oxunub: 3 025

Kolumbiyada yerli mütəşəkkil cinayətkar qruplaşmalar və rüşvətxor məmurlar arasındakı əlaqələri araşdıran qadın jurnalist qətlə yetirilibKolumbiyada yerli mütəşəkkil cinayətkar qruplaşmalar və rüşvətxor məmurlar arasındakı əlaqələri araşdıran qadın jurnalist qətlə yetirilib

Olay Kolumbiyanın Uila vilayətinin Pitalito şəhərində baş verib.

"La Preferida FM" radiostansiyasındakı populyar "La Preferida Stereo" proqramının aparıcısı Flor Alba Nunyes Varqas evinə daxil olarkən, qapıda güllələnib.

Milli.az El Espectador-a istinadən bildirir ki, 25 yaşlı jurnalisti başında motosikletçi şlemi olan şəxs güllələyib.
Varqas evinə daxil olan kimi bu şəxs onun arxasınca gedib və qadın geri çevriləndə onun üzünə iki dəfə atəş açıb.

Atəşlərdən sonra o şəxs qaçaraq hadisə yerini tərk edib.

Flor Alba Nunyes Varqas son iki ildə Kolumbiyadakı narkokartellər, mafiyanın qətlləri və rüşvətxor məmurlar arasındakı gizli əlaqələrlə bağlı araşdırmalar aparırdı. O, son 4 ayda dəfələrlə ölüm təhdidləri almışdı.
Uila şəhər polisinin rəisi Santyaqo Samelonun dediyinə görə, jurnalisti mütəşəkkil cinayətkar qruplaşmalardan birinin killeri qətlə yetirib.

Mərhum jurnalist Canal 6, TV5 və Nación TV telekanallarında da jurnalist təhqiqatlarının nəticələri ilə çıxış etmişdi.
Kolumbiyanın Mətbuat Azadlığı Fondu (Fundación para la Libertad de Prensa, FLİP) ölkə prezidentinə müraciət edərək sifarişli qətlin ən ciddi şəkildə araşdırılmasını tələb edib.
Bolgexeber.com

Çox Oxunanlar