Bizimlə əlaqə | Reklam
BolgeXeber.Com » BÖLGƏ TV » Kreditini müəllimlərə ödətdirən sabiq məktəb direktorunu döyən şəxs: "Borcu var idi" (VİDEO)

Kreditini müəllimlərə ödətdirən sabiq məktəb direktorunu döyən şəxs: "Borcu var idi" (VİDEO)

10-12-2015, 12:07
Oxunub: 4 389 Kreditini müəllimlərə ödətdirən sabiq məktəb direktorunu döyən şəxs: "Borcu var idi" (VİDEO)Abşeron Rayon Polis İdarəsinin əməkdaşları axtarışda olan şəxsi saxlayıb. O, qadını döydüyünə görə cinayət işini araşdıran məhkəmədən yayındığı üçün barəsində axtarış elan edilmişdi

APA TV-nin məlumatına görə, 33 yaşlı Vurğun Mehrac oğlu Hacıyev təxminən 6 ay əvvəl vətəndaş İradə Murğuzovanı döydüyü üçün qadın ondan polisə şikayət edib. Vurğun Hacıyevin barəsində Cinayət Məcəlləsinin 127.1 (qəsdən sağlamlığa yüngül xəsarət yetirmə) maddəsi ilə cinayət işi başlanılıb, istintaq yekunlaşdıqdan sonra məhkəməyə göndərilib.

Vurğunun törətdiyi cinayət əməli yüngül olduğundan, barəsində həbs-qətimkan tədbiri seçilməyib. Amma məhkəmə başlayanda proseslərdə iştirakdan yayındığı üçün barəsində axtarış elan edilib. O, Abşeron Rayon Polis İdarəsinin əməliyyatçıları tərəfindən saxlanılaraq, yenidən məsuliyyətə cəlb olunub.

Məhkəmə proseslərində iştirakdan yayındığını etiraf edən Vurğun Hacıyev İradə Murğuzova ilə aralarındakı münaqişənin səbəblərini açıqlayıb: "Borclu idi. Məndən 23 700 manat pul alıb. 3700 manatlıq parket, 20 min manat da pul alıb ki, sənə bələdiyyə sənədi ilə 2 hektar torpaq verəcəm. Mən də pulu vermişəm. İndi nə pulumu verir, nə də torpaq".

Saxlanılan şəxsin sözlərinə görə, o, qadını vurmayıb: "Mən qadını vurmadım. Dedim ki, maşınının açarını ver mənə, get mənim pulumu gətir. Mübahisə elədiyimiz yerdə başı dəydi maşının qapısına, burnu qırıldı. Ona görə də məhkəməyə vermişdilər. Mən də məhkəməyə getməmişdim".

Qeyd edək ki, İradə Murğuzova Xətai rayonundakı 171 saylı orta məktəbin direktoru işləyib. O, ötən ilin sentyabrında işdən uzaqlaşdırılıb.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]