Bizimlə əlaqə | Reklam
BolgeXeber.Com » BÖLGƏ TV » Türkiyədə kuryoz: futbolçu hakimə qırmızı vərəqə göstərdi-VİDEO

Türkiyədə kuryoz: futbolçu hakimə qırmızı vərəqə göstərdi-VİDEO

22-02-2016, 11:51
Oxunub: 4 001 Türkiyədə kuryoz: futbolçu hakimə qırmızı vərəqə göstərdi-VİDEO"Qalatasaray"ın "Trabzonspor"la keçirdiyi Türkiyə Super Liqasının XXII tur matçında qeyri-adi olay baş verib

Sportnet.az-ın məlumatına görə, baş hakim Deniz Ateş Bitnelə qonaq komandanın futbolçusu Salih Dursun 86-cı dəqiqədə qırmızı vərəqə göstərib.

Bu, referinin "Trabzonspor"un qapısına şübhəli penalti təyin etməsindən sonra yaşanıb. Qaydanı pozduğu iddia edilən Luis Pedro Kavanda baş hakimin üzərinə cumaraq, onu itələyib. Əvəzində o, önündə qırmızı vərəqə görüb. Etirazlar davam etdiyi vaxt referinin əlindən qırmızı vərəqəni alan Dursun onu Deniz Ateşə göstərərək, başı ilə "çıx meydandan" işarəsi verib.

Ümumilikdə, baş hakim "Trabzonspor"un əleyhinə 4 qırmızı vərəqə göstərib. Luis Pedro Kavanda və Salih Dursundan əlavə, Özer Hurmacı və Aykut Demir də meydandan qovulub. Eyni zamanda 2 penalti qərarı verilib. "Trabzonspor" 25-ci dəqiqədə Erkan Zenginin qolu ilə bu imkandan yararlanıb. Lakin 63-cü dəqiqədə Lukas Podolski, 89-cu dəqiqədə isə mübahisəli penaltidən Selçuk İnan fərqlənərək, "Qalatasaray"ın qələbəsini təmin edib - 2:1.

Oyundan sonra "Trabzonspor" azarkeşləri Türkiyə Futbol Federasiyasının Trabzondakı binasına hücum edərək, şüşələrini qırıb və federasiya əleyhinə şüarlar səsləndirib.

Qeyd edək ki, bu nəticədən sonra "Qalatasaray" xallarını 37-yə çatdıraraq, 3-cü pilləyə yüksəlib. "Trabzonspor" ise 27 xalla 9-cu sırada qalıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]