Bizimlə əlaqə | Reklam
BolgeXeber.Com » BÖLGƏ TV » Erməni xalq artisti azərbaycanlı qadın rolunda – VİDEO

Erməni xalq artisti azərbaycanlı qadın rolunda – VİDEO

1-07-2013, 10:30
Oxunub: 6 054 Ermənistanın paytaxtı İrəvan şəhərində iyulun 7-14-də keçiriləck sayca X “Qızıl Ərik” kinofestivalında Dağlıq Qarabağda müharibə zamanı azərbaycanlı və erməni qadınlarının münasibətini əks etdirən film nümayiş olunacaq.

Modern.az bildirir ki, bu barədə kinofestivalın təşkilat komitəsindən məlum olub.

“Yarımçıq qalmış uşaqlıq” adlanan filmin ssenarisinin əsasında Marağa kəndində azərbaycanlılara əsir düşmüş 6 yaşlı erməni qızı Lena ilə oğlu cəbhədə itkin düşmüş azərbaycanlı Fatma adlı qadının münasibətləri dayanır. Qadın kiçik qızı oğlu ilə dəyişəcəyinə ümid edir. 129 gün onlar birlikdə yaşayır və bu müddət ərzində bir-birinə yaxın olurlar.

Təsvir olunan hadisələr 1992-ci ildə baş verir. Filmin rejissoru Civan Avetisyan artıq Xankəndində filmin premyerasını keçirib.

Film “Martik” fondunun dəstəyi ilə çəkilib. Filmin ssenari müəlifi, dramaturq Karine Hodikyan, produseri isə Dağlıq Qarabağdakı qondarma rejimin “baş nazirinin müavini” Artur Aqabekyandır. Azyaşlı qızı yerli məktəbli Mariya Qaragülyan, azərbaycanlı qadını isə Ermənistanın xalq artisti Qreta Məclumyan oynayıb. Filmin xronometrajı 45 dəqiqə, 45 saniyədir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]