Bizimlə əlaqə | Reklam
BolgeXeber.Com » BÖLGƏ TV » 13 yaşlı qızın iki ay əvvəl dünyaya gətirdiyi körpə uşaq evinə yerləşdirildi - AÇIQLAMA

13 yaşlı qızın iki ay əvvəl dünyaya gətirdiyi körpə uşaq evinə yerləşdirildi - AÇIQLAMA

18-11-2022, 17:30
Oxunub: 65 392 Bakıda təxminən iki ay öncə, sentyabrın 6-da ana olan 13 yaşlı qızın körpəsi xəstəxanadan çıxarılaraq uşaq evinə yerləşdirilib. 

Bu barədə Oxu.Az-ın sorğusuna cavab olaraq "Azərbaycan Uşaqlar Birliyi”nin sədri Kəmalə Ağazadə bildirib. 
O, prosesin niyə ləngidiyini açıqlayıb:

"Sentyabrın 6-da dünyaya gələn uşaq oğlandır. Körpə Elmi-Tədqiqat Mamalıq və Ginekologiya İnstitutuna aparılıb. Lakin onun doğum haqqında şəhadətnaməsi və digər sənədləri qaydasında olmadığından körpələr evinə köçürülməsi prosesi ləngiyib.

Biz aidiyyəti qurumlarla birlikdə körpənin doğum haqqında şəhadətnaməsini düzəldib, noyabrın 1-də instituta təqdim etdik. Bundan sonra aidiyyəti qurumlar arasında danışıqlar aparılıb. Nəticədə 13 yaşlı qızın dünyaya gətirdiyi körpə noyabrın 16-da Səhiyyə Nazirliyinin 1 saylı Körpələr Evinə yerləşdirilib.

13 yaşlı ana övladından imtina etməyib. Ana "Azərbaycan Uşaqlar Birliyi”ndədir. O, yetkinlik yaşına çatana qədər körpəsinin dövlət himayəsində qalmasını istəyib, körpə isə üç yaşına çatana qədər uşaq evində qalacaq. Psixoloqlarımız onunla söhbət aparırlar. Danışıqlar zamanı məlum olan budur ki, o, övladını atmaq fikrində deyil. Hazırda onun yaşıdlarından geri qalmaması üçün bütün zəruri addımlar atılıb. 13 yaşlı ana məktəblərdən birində təhsilini davam etdirir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]