Bizimlə əlaqə | Reklam
BolgeXeber.Com » BÖLGƏ TV » YAP Şəmkirdəki saxtakarlıq iddiasına münasibət bildirdi (VİDEO)

YAP Şəmkirdəki saxtakarlıq iddiasına münasibət bildirdi (VİDEO)

9-10-2013, 14:00
Oxunub: 5 112 Hakim Yeni Azərbaycan Partiyası Şəmkirdə seçki saxtakarlığının əks olunduğu bildirilən videoya münasibət bildirib. Partiyanın icra katibinin müavini Mübariz Qurbanlı Haqqin.az-a bildirib ki, sosial şəbəkələrdə yayılan video həqiqəti əks etdirmir: “Müxalifətçi blocerlər iddia edirlər ki, pozuntular bu gün qeydə alınıb. Lakin video dünən - oktyabrın 8-də, başqa sözlə, seçkidən bir gün əvvəl yüklənib”.

Mübariz Qurbanlı hesab edir ki, bu, müxalifətin düşünülmüş təxribatıdır: “Biz bununla bağlı öz araşdırmamızı aparırıq. Hesab edirik ki, bu təxribatın günahkarları cəzalandırılmalıdırlar”.

Meydan TV-nin saytında yeləşdirilən açıqlamada isə deyilir: "Bu gün Youtube kanalına 98 saylı Şəmkir şəhər seçki dairəsinin 19 saylı seçki məntəqəsində olan saxtakarlıq görüntüləri yüklənib. Bundan sonra hakimiyyət yönümlü media və jurnalistlər bu videonun tarixi barədə "yalan" tirajlamaqla məşğuldurlar. Halbuki aşağıda qeyd etdiyimiz məqamdan bixəbər və sosial media savadsızı olduqlarını açıq-aşkar bəlli etdilər.

Youtube serverləri Amerika Birləşmiş Ştatlarında yerləşir və Azərbaycanla arasında 9 saat fərq var. O baxımdan səhər tezdən yüklənən videoları ABŞ tarixinə görə yayımlayır. Bu səbəbdən videolarda tarix dünən kimi görsənir. Əslində isə bu gün yüklənib. Bunun üçün videonun kanalına daxil olaraq (http://youtube.com/AnaloqTV) videonun neçə saat ərzində yükləndiyini əyani şəkildə görmək mümkündür".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]