Bizimlə əlaqə | Reklam
BolgeXeber.Com » Dünya » “Rövşən Lənkəranski”nin dostu həbs edildi

“Rövşən Lənkəranski”nin dostu həbs edildi

4-09-2011, 12:40
Oxunub: 7 059 Məşhur kriminal avtoritet Mamuka Mikeladze bu günlərdə Moskva ətrafında həbs olunub.

“Qanuni oğru”nun üst-başına baxış keçirən əməliyyatçılar onun üzərindən 4,8 qram heroin aşkar edib. Bu haqda vesti.az məlumat yayıb. Rusiya hüquq-mühafizə orqanlarındakı mənbə bildirib ki, M.Mikeladze avqustun 31-də Moskva vilayətinin Odintsovo rayonundakı “Yerşovo” istirahət mərkəzinin yaxınlığında tutulub. M.Mikeladze barədə Rusiya Federasiyası Cinayət Məcəlləsinin 228-ci maddəsinin (narkotik maddələri satış məqsədi olmadan qanunsuz olaraq əldə etmə və saxlama) 2-ci hissəsi ilə cinayət işi başlanıb. Rusiya polisi narkotiklərin “qanuni oğru”ya ötürülməsi yollarını araşdırır.
M.Mikeladze digər nüfuzlu kriminal avtoritet Aslan Usoyanla (“Ded Xasan” ləqəbi ilə tanınır) münaqişədə iştirakına görə məşhurdur. Belə ki, “Ded Xasan” Moskvanın Çerkizov bazarını və meyvə-tərəvəz bazalarını öz nəzarətində saxlayan azərbaycanlı qruplaşmanın başçısı, məşhur azərbaycanlı avtoritet Rövşən Canıyevi (“Rövşən Lənkəranski” kimi tanınır) Moskvadan sıxışdırıb çıxarmağa çalışmışdı. Lakin M.Mikeladze və digər gürcü “qanuni oğru” Cemo bu münaqişədə “Ded Xasan”a qarşı çıxaraq “Rövşən Lənkəranski”ni dəstəkləmişdi. “Ded Xasan”ın rəqibləri onun ölümünü ekstremist qruplaşmalardan olan killerə sifariş versə də kriminal avtoritet bu sui-qəsddən sonra sağ qalmışdı.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]