Bizimlə əlaqə | Reklam
BolgeXeber.Com » Dünya » Bu gün Ukraynada matəmdir

Bu gün Ukraynada matəmdir

15-01-2015, 10:40
Oxunub: 4 149 Ukrayna prezidenti Petro Poroşenko 15 yanvarı matəm günü elan edib

Volnovaxo şəhəri yaxınlığında (Donetsk bölgəsi) dinc əhalinin faciəvi ölümü ilə əlaqədardır.

«Unian» informasiya agentliyi xəbər verir ki, sərəncama əsasən Ukrayna ərazisində saat 12.00-də ölənlərin bir dəqiqəlik sükutla yad edilməsi, evlərdə, hökümət qüvvələrinin qurumlarının tikililərində, yerli özünü idarəetmə qurumlarında, hökümət müəssisələri, idarə və təşkilatlarında bayraqların endirilməsi vacibdir.

Bundan əlavə sərəncama əsasən ölkədə əyləncəli-konsert tədbirləri, idman yarışları təxirə salınacaq, tele və radio verilişlər matəmə uyğun olaraq dəyişdiriləcək.

Xatırladaq ki, 13 yanvar Volnovaxo rayonunda sərnişin avtobusuna mərminin düşməsi nəticəsində 12 sərnişin həyatını itirib, 15 nəfərə yaxın insan isə yaralanıb.

Güman edilir ki, hücum yaxınlıqda yerləşən Ukrayna hərbi postuna yönlənib. Buna baxmayaraq separatçılar atəşin onlar tərəfindən açılmasını təkzib edirlər.

ATƏT-in Ukraynanın şərqindəki xüsusi monitorinq missiyasının müavini Aleksanr Xuq 14 yanvarda xəbər verib ki, Volnovaxoda sərnişin avtobusunun atəşə tutulmasının istintaqı ilə əlaqədar birgə orqan yaradılıb.

Qeyd edək ki. son günlər Ukraynanın şərqində qarşıdurmalar güclənib. Hər iki tərəf atəşkəsin pozulmasında bir-birini günahlandıraraq hərbi fəaliyyəti davam etdirir.

Onu da qeyd edək ki, Minsk danışıqlarına riayət olunmadığından Ukrayna, Rusiya, Almaniya, və Fransa münaqişənin tənzimlənməsi üçün cümə axşamı Qazaxstanda keçiriləcək sammiti ləğv ediblər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]