BolgeXeber.Com » Dünya » Suriya ərəb liderlərini şantaj edir

Suriya ərəb liderlərini şantaj edir

13-12-2011, 09:35

Oxunub: 5 302

Buseyna Şaban: «Əlimizdə Körfəz ölkələri liderlərinin seks kasetləri var və onları hər an yayımlaya bilərik»

Get-gedə müdafiəsi daralan Suriyadakı Bəşər Əsəd hakimiyyəti artıq şantaja əl atmaqdadır. Ölkə müxalifətinin güclənərək, Şam hakimiyyətini devirmək üçün mübarizəyə başlamasının günahını müxtəlif yerlərdə axtaran Əsəd iqtidarı indi də ərəb şeyxlərini hədəfə alıb.

Bolgexeber.com «Kuwait Times» qəzetinə istinadən xəbər verir ki, Suriya prezidentinin müşaviri Buseyna Şaban son açıqlamasında ərəb liderlərini təhdid edib. O deyib ki, əllərində ərəb liderlərinin seks kassetləri var və onu hər an internet vasitəsi ilə yayımlaya bilərlər. «Körfəz ölkələri liderlərinin hansı oyunlardan çıxdığı bu kassetlərdə açıq şəkildə görünür. Onları yayımladığımızda hansı gücə sahib olduqlarımızı görəcəklər».

Bu əsnada Suriyada keçirilən aksiyalarda öldürülənlərin sayı ilə bağlı BMT yeni bir hesabat açıqlayıb. BMT İnsan Haqları Ali Məclisinin rəhbəri Navi Pillay bəyan edib ki, son təxminlərə görə, 9 ay ərzində Suriyada ölənlərin sayı 5 min nəfəri keçib. Onun sözlərinə görə, indiyə qədər şam hakimiyyəti 14 min nəfəri həbs etdirib.

Çox Oxunanlar