Bizimlə əlaqə | Reklam
BolgeXeber.Com » Dünya » Hakimiyyət islamçıların əlinə keçir

Hakimiyyət islamçıların əlinə keçir

14-12-2011, 11:20
Oxunub: 6 663 Bu gün Misirdə parlament seçkilərinin ikinci mərhələsi başlanıb.

Səsvermə ölkənin Giza, Şərqiyyə, İsmailiyyə, Manufiyyə, Süveyş, Buheyra, Bəni Sueyf, Asuan və Sohaq vilayətlərində keçiriləcək.

"Əl Misri əl Yəum"-un yaydığı məlumatda bildirilir ki, seçkilərin ilkin mərhələsinin nəticələrinə görə, "İhvan ül Müslimin" ("Müsəlman qardaşlar") hərəkatını təmsil edən Azadlıq və Ədalət Partiyası parlamentdəki 54 yerdən 36-nı qazanıb. Misirdəki sələfiləri təmsil edən "Ən Nur" partiyası isə 24 faiz səslə ikinci yerdədir.

İslamçılara rəqabət yaratmaq üçün birləşmiş liberal-demokratik partiyaların "Misir" bloku səslərin cəmi 13,3 faizini toplaya bilmişdi.

Seçkilərin ilk turunda fiaskoya uğramış liberal partiyalar ikinci mərhələdə uğur qazanacaqlarına ümid edirlər. Lakin onların şansları çox azdır, çünki ilk turda ölkənin nisbətən "dünyəvi" bölgələri - məsələn, İsgəndəriyyə və Qahirə - səs vermişdilər. Mühafizəkar əyalətlərdə isə islamçıların qələbə şansları daha yüksəkdir.

Misirdə parlament seçkiləri 3 mərhələdən ibarətdir. Hər mərhələdə ölkədəki 27 vilayətdən 9-unda səsvermə keçirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]