BolgeXeber.Com » Dünya » Emin Ağalarov boşanmanın əsl səbəbini açıqladı

Emin Ağalarov boşanmanın əsl səbəbini açıqladı

11-08-2015, 09:28

Oxunub: 4 977

Müğənni və iş adamı Emin Ağalarov Leyla Əliyeva ilə boşanmasının əsl səbəbini Rusiya mətbuatına açıqlayıb

Bolgexeber.com virtualaz.org saytına istinadən xəbər verir ki, Emin “Hello!” jurnalına müsahibəsində deyib ki, boşanma hər kəsin azadlığının olmaması ilə əlaqəli idi.

Emin Ağalarov deyib ki, onlar boşanma haqda xüsusi olaraq sosial şəbəkələrdən elan etdilər: “Çünki bu, həyatı asanlaşdırır. Bir-birinə şəxsi xoşbəxtlik üçün şans vermək lazımdır. Bu, bizim hər ikimiz üçün ancaq mütləq azadlıq şərti ilə mümkün ola bilərdi. Əgər iki adam arasında şəxsi münasibətlər formalaşmayıbsa, ailə həyatını imitasiya etmək axmaqlıqdır. Daha yaxşısı boşanmaq, dostluğu saxlamaq, uşaqları böyütməkdir”.

Emin Ağalarovun sözlərinə görə, boşanma hər iki tərəfin arzusu ilə baş tutub: “Bizlərdən heç kim digərinə bunu təklif etməyib, heç kim bir-birini incitməyib, bir-birinə pis nəsə etməyib. İndi bizim münasibətlərimiz hətta nikah dövründə olduğundan yaxşıdır, çox əla münasibətlərimiz var”.

Onun dediyinə görə, uşaqlar üçün heç nə dəyişməyib: “Bizim məqsədimiz uşaqları birgə tərbiyə etmək və onların naminə hər şeyi etməkdir. Biz uşaqlarımızla çox fəxr edirik, onlar artıq üç dildə danışırlar, üç və dördrəqəmli ədədləri yadlarında saxlaya bilirlər”.

“Mən hazırda bilmirəm ki, yenidən kiməsə vurula bilərəm, ya yox, ancaq istənilən qadını bəyənə bilərəm” - müğənni əlavə edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]