Bizimlə əlaqə | Reklam
BolgeXeber.Com » Dünya » Müəllimlərin maaşı cücələrlə ödəniləcək

Müəllimlərin maaşı cücələrlə ödəniləcək

12-05-2016, 11:42
Oxunub: 4 591 Müəllimlərin maaşı cücələrlə ödəniləcəkÖzbəkistandakı Nukus şəhərinin hakimiyyəti büdcə vəsaitlərinin çatışmazlığı üzündən müəllimlərin məvaciblərini cücələrlə ödəmək qərarına gəlib

"Azadlıq Radiosu"na danışan müəllimlərdən biri vəziyyəti "rüsvayçı" kimi dəyərləndirib. Hərçənd ki, onun dediyinə görə bu, ilk hal deyil.

"Ötən il də maaşları kartof, kök və balqabaqla ödəyiblər. Bu il isə pul yerinə cücə verirlər. Bizə cücə lazım olsaydı, elə bazardan alardıq".

Başqa bir şəxs məvacib ödənilərkən cücələrin qiymətinin 2,5 ABŞ dollarından hesablandığını deyib ki, bu da bazar qiymətlərindən iki qat yuxarıdır.

Məsələ zarafatlara səbəb olub. "Bunda nə problem var ki? Naharda toyuq şorbası, günorta toyuq qızartması və axşam isə toyuq yeyərik. Heç olmasa vitamin alarıq".

Özbəkistanda media sərt nəzarət altındadır və xarici mətbuatla danışanlar adlarının çəkilməsini istəmirlər.

Ölkə uzun illərdir ki, nağd pulun çatışmazlığından əziyyət çəkir.

Məlumata əsasən, dövlət rəsmiləri iki aydır ki, maaş ala bilmədiyindən şikayət edirlər.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]