BolgeXeber.Com » Dünya » Türkiyədə azərbaycanlı həkimlə bağlı biabırçı iddia

Türkiyədə azərbaycanlı həkimlə bağlı biabırçı iddia

11-07-2012, 22:55
Oxunub: 3 998 Türkiyənin İzmir şəhərində yerləşən Egey Universiteti Tibb Fakültəsinin Uşaq Xəstəxanasında işləyən azərbaycanlı həkim (şərti adı-A.A) haqqında utandırıcı iddia irəli sürülüb.

Bolgexeber.com Türkiyənin “haber.ekolay” informasiya saytına istinadən xəbər verir ki, iddiaya görə, o, dünən saat 20 radələrində Nüvə Elmləri İnstitutu yaxınlığında ünvan soruşmaq bəhanəsi ilə saxladığı bir qız şagirdə cinsi orqanını göstərib.

Qız qaçaraq A.A-nın yanından uzaqlaşıb, daha sonra təhlükəsizlik işçilərinə xəbər verib. Bir müddət sonra daha iki şagird də eyni şikayətlə müraciət edib.

Təhlükəsizlik işçiləri şagirdlərin ifadələri əsasında A.A-nı saxlayıb. Polis mərkəzinə aparılan azərbaycanlı həkim ona irəli sürülən ittihamları rədd edib. Evli və bir uşaq atası olan həkimin işinə istintaq yekunlaşandan sonra məhkəmədə baxılacaq.