Bizimlə əlaqə | Reklam
BolgeXeber.Com » Dünya » Rusiya İrana sonuncu şans verdi

Rusiya İrana sonuncu şans verdi

10-08-2012, 11:20
Oxunub: 5 606
İslam ölkəsi Rusiyaya qarşı məhkəmə iddiasında imtina etməzsə...

Rusiya İrana xəbərdarlıq edib. İran S-300 zenit komplekslərinin tədarükü ilə bağlı Münsiflər məhkəməsində Rusiyaya qarşı qaldırdığı iddianı geri götürməzsə, Rusiya rəhbərliyi İranın nüvə proqramı ilə bağlı tutduğu mövqeni sərtləşdirə bilər. “Kommersant” bu qərarın Rusiya Federasiyası rəhbərliyinin qəbul etdiyini yazıb.

Mənbənin yazdığına görə, Rusiya rəhbərliyində Münsiflər məhkəməsində qaldırılan iddia ətrafında yaranan xoşagəlməz vəziyyət İranı yaxşılıq bilməz kimi göstərir. “Biz onları dəstəkləyirik, nüvə problemində konstruktiv mövqe tuturuq, onlar isə bizə belə hörmət edirlər”, - deyə mənbə bildirib.

Nəşrlə həmsöhbət olan adı çəkilməyən dövlət nümayəndəsi qeyd edib ki, Moskva əvvələr də Tehrana bu iddianın münasibətlərin inkişafına mane olacağını deyib, lakin bu sözlər “eşidilmədi”. Onun sözlərinə görə, İranın nüvə məsələsi ilə bağlı "altılığ"ın növbəti danışıqlarına qədər Rusiya öz mövqeyini bir daha İrana çatdırmağa çalışacaq. İranın etiraz cavabı verəcəyi təqdirdə, o dünya arenasında bu məsələsini təkbaşına həll etməli olacaq.

Xatırladaq ki, Rusiya ilə İran arasında S-300 raket zenit komplekslərinin tədarükü haqda razılaşma 2007-ci ildə imzalanıb. 800 milyon dollar dəyərində olan razılığın reallaşması mütəmadi olaraq texniki səbəblərə görə ləngiyirdi. Razılaşmanın icrasından imtina etdikdən sonra Rusiya Tehrandan aldığı 167 milyon dolları geri qaytarıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]