BolgeXeber.Com » Dünya » Bu ölkənin insanları Ramazanda 22 saat oruc tutacaq

Bu ölkənin insanları Ramazanda 22 saat oruc tutacaq

24-05-2017, 11:53

Oxunub: 9 457

İsveç, Norveç və İslandiyanın bəzi şəhərlərində müsəlmanlar ramazanda təxminən 22 saat oruc tutacaqlar

Bolgexeber.com “din.az”a istinadən xəbər verir ki, Skandinaviya ölkələrində yaşayan müsəlmanlar bu il ramazan ayı boyu ən uzun orucu tutacaqlar.

Stokholmda yerləşən, Türkiyənin Din İdarəsinin nəzdində olan Fitja məscidinin işçisi Cihat Kullay bildirib ki, ramazanın 15 və 20-si arasında İsveçin paytaxtı Stokholmda 20 saat 8 dəqiqə oruc tutacaqlar. İsveçin şimalındakı Kiruna və Norveçin Tromso şəhərlərində oruc tutma müddəti 22 saata yaxın olacaq.

İsveçdə 28 ildən bəri yaşayan 53 yaşlı sürücü Musa Karadağ səhər tezdən işə başladığına görə ramazanın onun üçün çox çətin keçdiyini qeyd edib. O “Səhər 04:00 və ya 05:00-da işə başlayıram. Səhərdən Yatsı namazını qılıb yatana qədər saat 23:30 olur. Buna görə də sahura çata bilmirəm” deyə bildirib.

Fitja məscidinin Qadınlar İcmasının rəhbəri Berrin Pektaş qadınların ramazan ayında toplu şəkildə iftar edəcəklərini bildirərək “Bununla yanaşı, məscidimizdə Quran oxunacaq, birlikdə təravih namazları qılacağıq. İnşallah bir və həmrəy şəkildə ramazana başlayacağıq” deyə qeyd edib.

Qeyd: Skandinaviya ölkəsi Şimal qütbünə yaxın olduğu və burda Günəşin çıxması ilə batması arasındakı saat fərqi nəzərə alınaraq orucun tutulma müddəti 22 saat hesablanıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]