Bizimlə əlaqə | Reklam
BolgeXeber.Com » Dünya » Skripallar niyə ölmədi? - Dəhşətli zəhəri yaradan Mirzəcanov izah edir

Skripallar niyə ölmədi? - Dəhşətli zəhəri yaradan Mirzəcanov izah edir

13-04-2018, 15:07
Oxunub: 3 598 Skripallar niyə ölmədi? - Dəhşətli zəhəri yaradan Mirzəcanov izah edirBöyük Britaniyanın Solsberi şəhərində Rusiyada işlənib hazırlanan “Noviçok” adlı kimyəvi silah tətbiq olunmaqla zəhərlənən keçmiş QRU polkovniki Sergey Skripalın və qızı Yuliyanın ölümdən dönməsi bu zəhərin daha bir xüsusiyyətini ortaya çıxarıb

Vaxtilə “Noviçok”u işləyib hazırlayanlardan biri, tanınmış sovet kimyaçı alimi Vil Mirzəcanov “Kommersant FM” radiosuna müsahibəsində deyib ki, casusu və qızını ölümdən dumanlı hava xilas edib.

Belə ki, onların zəhərləndiyi gün Solsberidə hava dumanlı və çiskinli olub. Zəhər isə suya həssasdır-su ilə təmasda olanda öz xüsusiyyətlərini qismən itirir. Alimin bildirdiyinə görə zəhəri Skripalların baş çəkdikləri restoranın giriş qapısının dəstəyinə sürtüblər və hava çiskinli olduğundan maddə su ilə təmasda olub.

“Nəticədə onlar doza alıblar, amma bu doza ölümcül olmayıb, çünki hesablanmış konsentrasiya su ilə təmasa görə aşağı düşüb”-ABŞ-da mühacirətdə olan kimyaçı deyib.

Mirzəcanov deyib ki, təmiz zəhər ancaq xüsusi laboratoriyada, yüksək ixtisaslı mütəxəssislərlə əldə edilə bilər. Diletant “Noviçok” kimi mürəkkəb zəhəri hazırlaya bilməz.

Xatırladaq ki, Yuliya Skripal xəstəxanadan buraxılıb və hərbi bazanın ərazisində qorunur. Atası isə komadan ayılıb, vəziyyətinin yaxşılaşdığı bildirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]