BolgeXeber.Com » Dünya » Kadırov əsəbiləşdi: "Bu, bütün Qafqazı alçaltmaqdır"

Kadırov əsəbiləşdi: "Bu, bütün Qafqazı alçaltmaqdır"

22-02-2019, 15:15

Oxunub: 5 122

Çeçenistanın rəhbəri Ramzan Kadırov qaydasız döyüş üzrə yüngül çəkidə çempion olmuş Həbib Nurməhəmmədovun yarışlardan diskvalifikasiya olunmasına və 500 min dollar məbləğində cərimələnməsinə sərt münasibət bildirib.

Qaynarinfo xarici KİV-ə istinadən xəbər verir ki, o, bunun bütün Qafqazı narahat etdiyini və alçaltmaq olduğunu deyib.

"Qafqazı təmsil edən bütün adamlarımız alçaldılıb və onlara böhtan atılıb. Bizim döyüşçülərimizə verilən cəza ilə özündənrazı irlandiyalı provakatora verilən cəza arasındakı anlaşılmazlığa baxın", - deyə Kadırov sosial şəbəkə hesabında yazıb.

Kadırov həmçinin bildirib ki, Qafqaz döyüşçüləri üçün pul və şöhrət deyil, şərəf və ləyaqət önəmlidir.

Qeyd edək ki, Nurməhəmmədov ötən ilin oktyabrında irlandiyalı döyüşçü Konor Makqreqoru məğlub edmiş və döyüş bitdikdən sonra onun komanda üzvlərinə hücum çəkmişdi. Bu hadisəyə görə Nurməhəmmədov 9 aylıq yarışlardan uzaqlaşdırılmış və 500 min dollar məbləğində cərimələnmiş, Makqreqor isə yarım il müddətinə yarışlardan diskvalifikasiya edilmiş və Nurməhəmmədova verilən pul cəzasından 10 dəfə az cərimələnmişdi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]