Bizimlə əlaqə | Reklam
BolgeXeber.Com » Dünya » Millət vəkili kəfən geyinib yolda yatdı- FOTO

Millət vəkili kəfən geyinib yolda yatdı- FOTO

6-05-2013, 09:30
Oxunub: 7 724 Aksiyadan sonra deputat kəfənləri yoxsullara hədiyyə edib
Türkiyədə Cümhuriyyətçi Xalq Partiyasından (CHP) olan millət vəkili qeyri-adi etiraz aksiyası keçirib. Bir neçə aksiyaçı ilə birlikdə kəfən geyinən Ensar Öğüt Ərtzurum – Artvin magistral yolunun 62-ci kilometrliyindəki yoxuşda yolun ortasında uzanıb. Aksiyaya səbəb həmin yoldakı yoxuşda son 2 ildə 26 nəfərin ölməsi və 200-ə yaxın insanın yaralanması ilə nəticələnən avtomobil qəzalarıdır.

Millət vəkili 90 dərəcəlik bu yoxuşda xüsusilə ağır tonnajlı maşınların əyləclərinin nasazlandığını, bunun nəticəsində isə qəzalar meydana gəldiyini deyib. Öğüt həmçinin yoxuşla əlaqədar nəqliyyat naziri Binali Yıldırım barəsində Türkiyə Böyük Millət Məclisinə (TBMM) deputat sorğusu göndərdiyini, lakin heç bir nəticə əldə edilmədiyini vurğulayıb.

Qeyd edək ki, 15 dəqiqə davam edən aksiyadan sonra yolda avtomobillərin hərəkəti bərpa olunub. Millət vəkili aksiyada istifadə olunan kəfənləri CHP Ərzurum şöbəsinin sədrinə verərək bu yolda qəza nəticəsində həlak olan ehtiyac sahiblərinə verilməsini istəyib.


Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]