BolgeXeber.Com » Dünya » Koronavirusun yayıldığı ölkələr və itkilər- Siyahı

Koronavirusun yayıldığı ölkələr və itkilər- Siyahı

22-02-2020, 10:19
Oxunub: 3 315
Dünya üzrə koronovirusa yoluxanların sayı artmaqda davam edir.

Son rəqəmlərdə infeksiyaya yoluxanların sayının 76 716 nəfərə çatdığı bildirilir. Virus ümumilikdə 2 236 nəfərin həyatına son qoyub.

Modern.az koronavirusa yoluxma halı və itkilər olan ölkələrin siyahısını hazırlayıb:

Yaponiyada 731 nəfər koronavirus daşıyıcısı var, onların hər biri hazırda xəstəxana şəraitində müalicə alır.

Sinqapurda 58 nəfər virus daşıyıcısıdır. Onlardan 7-nin vəziyyəti ağır olaraq qiymətləndirilir.

Taylandda 6 nəfər koronavirus daşıyıcısıdır. Onlardan 5-i Çin vətəndaşıdır.

Cənubi Koreyada indiyədək virusdan dolayı bir nəfər dünyasını dəyişib. Hazırda ölkədə 104 nəfər koronavirus daşıyıcısıdır.

Malaziyada biri yaşlı olmaqla iki nəfər koronavirusdan əziyyət çəkir.

Tayvanda biri yaşlı olmaqla 4 nəfər koronavirus xəstəliyindən əziyyət çəkir.

Almaniyada 4 nəfər virusdan dolayı karantin altındadır. 40 nəfərdə isə virus olduğu ehtimal edilir.

Hindistanda isə 3 nəfər tələbə koronavirus daşıyıcısıdır.

ABŞ-da 6 nəfər koronavirus daşıyıcısıdır, 191 nəfər isə nəzarət altına alınıb.

Avstraliyada isə xəstəlikdən əziyyət çəkənlərin sayı 7-yə çatıb.

Birləşmiş Ərəb Əmirliklərində koronavirusa yoluxan 8 nəfərdən 3-nün vəziyyəti yaxşılaşsa, 5 nəfər hələ ki, xəstəxanada müalicə alır.

İranda virusdan dolayı 9 nəfər həyatını itirib.

Rusiya Səhiyyə Nazirliyi isə ölkədə 20 min nəfərin virus daşıma şübhəsi ilə həkim nəzarəti altında olduğunu açıqlayıb. Onlardan 6-mini Çin, 14 mini isə Rusiya vətəndaşıdır. İlin əvvəlindən 769 nəfər xəstəxanaya yerləşdirilib, onların 97-də qrip aşkarlanıb, 121 nəfərdə isə tənəffüs yolu xəstəlikləri tapılıb. Son məlumatlara görə Rusiyada cəmi 2 nəfərdə koronavirus aşkarlanıb.

Vyetnamda 6 nəfər virus daşıyıcısı var. Koronavirus təhlükəsindən dolayı ölkənin 10-a yaxın kəndinə giriş-çıxış məhdudlaşdırılıb.

Belçikada 9 nəfər koronavirus daşıyıcısıdır, onlardan birinin vəziyyəti ağır olaraq qiymətləndirilir.

İngiltərə, Hindistan, İtaliya və Fransada 3 nəfər koronavirus daşıyıcısının olduğu bildirilib.

Kanada, Nepal, İsveçrə, Finlandiya, Misir, Livan və İspaniyada isə 1 nəfərdə virusun olduğu bildirilib.

Qeyd edək ki, Finlandiyada daha 15 nəfərdə virusun olma ehtimalı var.