Bizimlə əlaqə | Reklam
BolgeXeber.Com » Dünya » ÜST-dən XƏBƏRDARLIQ: Qapanma olmazsa, ölüm sayı artacaq

ÜST-dən XƏBƏRDARLIQ: Qapanma olmazsa, ölüm sayı artacaq

21-11-2021, 12:06
Oxunub: 3 840 Avropa ölkələri məhdudiyyətləri sərtləşdirməsə, regionda qışda koronavirus pandemiyası nəticəsində 500 minə yaxın insan həyatını itirə bilər.

Bu barədə Ümumdünya Səhiyyə Təşkilatının (ÜST) Avropa Bürosunun direktoru Xans Klyüge Britaniyanın BBC yayım korporasiyasına müsahibəsində bildirib.

Onun sözlərinə görə, ÜST Avropada COVID-19-un yayılma sürətinin artmasından çox narahatdır və bununla əlaqədar mütəxəssislər tibbi maska taxmağı davam etdirməyi, eləcə də hələ peyvənd olunmayanların hamısının vaksinasiyasını tövsiyə edir.

Klyüge qeyd edib ki, soyuq havaların yaxınlaşması, bir sıra ölkələrdə aşağı peyvənd göstəriciləri, daha çox yoluxucu ştammların yaranması ilə əlaqədar olaraq Avropada koronavirusun növbəti dalğası müşahidə olunur.

"COVID-19 yenidən regionumuzda əsas ölüm səbəbinə çevrilib”, -ÜST rəsmisi deyib. O, pandemiya ilə mübarizə üçün məcburi peyvəndin yalnız son çarə kimi qəbul edilməsinin vacibliyini vurğulayıb.

Klyüge eyni zamanda qeyd edib ki, bu məsələ ilə bağlı "qanunvericilik və ictimai müzakirələrə” başlamaq "vaxtına düşmüş olardı”.

Qeyd edək ki, Avropanın bir sıra ölkələri son günlər virusa yoluxma hallarının artmasına görə koronavirus əleyhinə tədbirləri sərtləşdiriblər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]