Bizimlə əlaqə | Reklam
BolgeXeber.Com » Kürdəmirdə məktəb direktoru: "Məktəbi odunla qızdırmaq olmur..."

Kürdəmirdə məktəb direktoru: "Məktəbi odunla qızdırmaq olmur..."

27-11-2015, 10:52
Oxunub: 3 000 Kürdəmirdə məktəb direktoru: "Məktəbi odunla qızdırmaq olmur..."Qəzalı vəziyyətdə olan 22 məktəb və bir məktəbdənkənar müəssisənin qızdırılmasında çətinliklər yaşanır

Kürdəmir rayonunda fəaliyyət göstərən ümumtəhsil məktəblərində qışa hazırlıqla bağlı müəyyən addımlar atılıb.

Kürdəmir Rayon Təhsil Şöbəsinin (RTŞ) müdir əvəzi Əsgər Hüseynovun sözlərinə görə, hazırda mövcud 58 ümumtəhsil və 4 məktəbdənkənar müəssisənin 26-sı fərdi istilik sistemi ilə qızdırılır. Digər 36 məktəb binasında isə istilik vasitəsi kimi odun yanacağından istifadə edilir.

RTŞ-dən bildirilib ki, qışa hazırlıqla əlaqədar görülən işlərlə yanaşı çatışmazlıqlar da var. Əsasən də qəzalı vəziyyətdə olan 22 məktəb və bir məktəbdənkənar müəssisənin qızdırılmasında çətinliklər yaşanır.

Rayonun Axtaçı kənd ümumi və tam orta, Çərkəz, Təklə, Şilyan ərazisindəki məktəblərdə bunu müşahidə etmək mümkündür.

"Peçlərimiz var. Peçlərdə odun yanır. Amma daş binadır. Buranı normal şəkildə odunla qızdırmaq qeyri-mümkündür" - deyə Qarasu məktəbinin direktoru Abduləli Qocayev bildirib.

Həmin binalar təmir olunarsa, isitmə işinin də asanlaşacağı bildirilir ("Region" TV).
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]