Bizimlə əlaqə | Reklam
BolgeXeber.Com » Gündəm » “Bandotdel” əməliyyat keçirdi-Həbs olunanlar var

“Bandotdel” əməliyyat keçirdi-Həbs olunanlar var

28-05-2014, 12:30
Oxunub: 4 413 DİN Baş Mütəşəkkil Cinayətkarlıqla Mübarizə İdarəsinin əməkdaşları qanunsuz qumarxana fəaliyyətinin qarşısını alıb.

Baş İdarə əməkdaşlarının Gəncə şəhərində keçirdiyi əməliyyat tədbirləri zamanı Cavadxan küçəsi 12 ünvanda qanunsuz “onlayn” qumar oyunlarının təşkil edilməsi aşkarlanıb. Araşdırmalarla müəyyən edilib ki, Gəncə şəhər sakinləri – 21 yaşlı Vüsal Məmmədzadə, 37 yaşlı Namiq Abbasov və 50 yaşlı Nofəl Rəfibəyli əvvəlcədən əlbir olaraq obyekti icarəyə götürüblər və burada müxtəlif qumar oyunları təşkil ediblər.

Obyektə baxış zamanı daha 7 nəfər vətəndaşın da qanunsuz qumar oyunlarında iştirakı müəyyənləşib. Vüsal Məmmədzadə ifadəsində bildirib ki, o, qanunsuz futbol proqnozları vermək adı ilə vətəndaşlardan külli miqdarda pul yığıb. Araşdırmalarla daha sonra müəyyən edilib ki, Namiq Abbasov isə obyektin bir hissəsində qanunsuz loto-kazino təşkil edib. Namiq Abbasov da bu yolla vətəndaşların külli miqdarda pulunu mənimsəyib.

Əməliyyatçılar obyektdən qumar oyun proqramları yazılmış kompüter dəstləri, monitorlar, qumar kuponları çap edən xüsusi printerlər, külli miqdarda oyun kuponu və nəğd pul aşkarlayaraq götürüblər. Saxlanılan 3 nəfər barəsində cinayət məcəlləsinin müvafiq maddəsi ilə iş açılıb, istintaq araşdırmaları aparılır.

Həmçinin qumar oyunlarında iştirak edən digər şəxslər barəsində də qanunla nəzərdə tutulmuş qaydada ölçü götürülüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]