Bizimlə əlaqə | Reklam
BolgeXeber.Com » Gündəm » "Direktor Ofelya Babayeva məktəbi rüşvət bataqlığında məhv edir"

"Direktor Ofelya Babayeva məktəbi rüşvət bataqlığında məhv edir"

29-05-2014, 11:10
Oxunub: 5 162 «Direktor Ofelya Babayevanın işi ancaq bizim əlimizlə pul yığmaqdır, bircə maaş kartımız qalıb onu da verək ki, gözü doysun»

Dünən elektron ünvanına Sumqayıt şəhər 11 saylı orta məktəbin müəllim kolektivi adından şikayət məktubu daxil olub. Həmin məktubda deyilir ki, 68 yaşlı direktor Ofelya Babayeva məktəbi rüşvət bataqlığında məhv edir.

Onlar qeyd edirlər ki, təhsil naziri Mikayıl Cabbarovun məktəblərdə pul yığımına qarşı etdiyi xəbərdarlıqlara baxmayaraq 11 saylı orta məktəbin direktoru hələ də öz “qanunlarını” tətbiq etməkdə davam edir. «Bütün müəllimləri şağgirdlərdən pul yığmağa vadar edir. Sinifə təyin etdiyi “norma” yığılmadıqda çatışmayan məbləği müəlimin özündən tələb edir. Əks halda işdən qovmaqla, dərs saatlarını kəsməklə hədələyir. Biz burada dərs deməyə yox pul yığmağa gəlirik. Təsəvvür edin ki, Ofelya Babayeva 8 martda, müəllimlər günündə, öz ad günündə də müəllimlərin qarşısında tələb qoyur. İbtidai sinif müəllimləri 50, qalanları 100 manat pulu siyahı ilə təqdim etməlidir. Bir o qalıb ki, maaş kartlarımızı da toplayıb ona verək bəlkə gözü doydu».

Ofelya Babayeva bir xeyli əvvəl Sumqayıt Şəhər Təhsil İdarəsinin müdiri olub və həmin vaxt ciddi bir nöqsan səbəbindən işdən azad edilib. Belə ki, idarə müdiri olan zaman «Gülüstan» Sarayında gəlninə brilliantdan tac hədiyyə etdiyi üçün keçmiş prezident Heydər Əliyev tərəfindən işdən azad edilib. Müəllimlər deyir ki, görünür, direktor bu hadisədən hələ də dərs çıxarmayıb?

11 saylı məktəbin müəllim heyəti bildirir ki, onlar bu problemlərdən canlarını qurtarmaq istəyirlər və müvafiq dövlət qurumlarından tədbir görmələrini istəyirlər.

Qarşı tərəfin də mövqeyini öyrənməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]