Bizimlə əlaqə | Reklam
BolgeXeber.Com » Gündəm » Goranboyda müəllim müəllimə yoldaşını doğradı

Goranboyda müəllim müəllimə yoldaşını doğradı

29-05-2014, 11:55
Oxunub: 2 865 Peşəsi insanlara şəfqət, elm, hümanizm təlim etmək olan şəxs özü qatil olanda bu, ikiqat faciədir, illah da ki, qatilin qurbanı müəllim olanda...

“Heç bir il deyildi ki, toyları olmuşdu. Toydan az sonra yola getmədilər, qız tez-tez küsüb atasının evinə gedirdi. Elə hadisə də həmin evdə baş verdi. Əri gedib onu ata evində bıçaqdan keçirdi”. Bu fikirləri müəllim ailəsində törədilən cinayəti araşdıran zaman milli.az-a rayon sakinləri dedilər.

Amansız cinayət hadisəsi Goranboy rayonunda törədilib. Nicat Həsənovqaynatasının evində 30 yaşlı arvadı Günay Quliyevanı bıçaqla öldürüb. Dünən bu haqda məlumat versək də, bu gün qətlin təfərrüatlarını öyrəndik.

Goranboy Rayon Prokurorluğundan əldə edilən xəbərə görə, Gənclər və İdman Mərkəzində müəllim işləyən N.Həsənov bir neçə ay əvvəl Günayla evlənib. Rayondakı orta məktəblərdən birində müəllim işləyən Günay hadisədən bir neçə gün əvvəl əri ilə dava edərək ata evinə gedib. Nicat isə hadisə günü onu evinə qaytarmaq üçün qaynatasının evinə gedib. Elə orada mübahisə düşüb və arvadına elə qaynanasının gözləri qarşısında 10-dan artıq bıçaq zərbəsi vurub. G.Quliyeva xəstəxanaya yerləşdirilsə də, orada ölüb.

Hazırda N.Həsənov polis nəzarətinə alınıb və onun dindirilməsindən sonra bəzi qaranlıqlara da aydınlıq gətiriləcək.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]