Bizimlə əlaqə | Reklam
BolgeXeber.Com » Gündəm » Qazaxda bələdiyyə sədri camaatı su ilə sınağa çəkir

Qazaxda bələdiyyə sədri camaatı su ilə sınağa çəkir

30-05-2014, 13:10
Oxunub: 4 102 Aşağı Salahlı bələdiyyəsinin sədri xeyli torpaq sahəsi zəbt edib

Məlumdur ki, su çatışmazlığını aradan qaldırmaq, əhalinin içməli, eyni zamanda suvarma məqsədilə suya olan tələbatını ödəmək üçün rayonlarımızda artezian quyuları qazılır. Bunun üçün dövlətimiz kifayət qədər maliyyə vəsaiti ayırır ki, həm əhalimiz su sarıdan korluq çəkməsin, həm də ölkədə məhsul bolluğu yaransın. Ancaq çox təəssüf ki, bəzi yerli məmurlar əhalinin ümumi marağını nəzərə almaq əvəzinə öz şəxsi maraqlarını üstün tutur və insanları dövlətdən narazı salırlar.

Qafqaz Xəbər Agentliyinin (qafqaznews.az) verdiyi məlumatda da su problemindən söhbət gedir. Məlumatdan bəlli olur ki, Qazax rayonu Aşağı Salahlı bələdiyyəsinin sədri Niyazi Hacıyev su artezian quyularını ancaq özünə məxsus torpaq sahəsində qazdırır. Bu isə əhalinin ciddi narazılığına səbəb olur. Həmin kəndin sakini olan Nəsib Nəsibov da bizimlə söhbətində bu faktı təsdiq etdi.

Həmçinin bildirilir ki, bələdiyyə sədri başqa şəxslərə məxsus xeyli torpaq sahəsini zəbt edərək, öz torpağına qatıb. Əhali yayın qızmar çağında öz torpaqlarını suvara bilmir.

Görəsən, Qazax rayonunun rəhbərliyi by barədə nə düşünür..?

Qarşı tərəfin də mövqeyini dinləməyə hazırıq
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]