Bizimlə əlaqə | Reklam
BolgeXeber.Com » Gündəm » Həkim ağır xəstə olan əsgər üçün:"Canı “itin canı kimi möhkəmdir”"

Həkim ağır xəstə olan əsgər üçün:"Canı “itin canı kimi möhkəmdir”"

8-06-2014, 13:40
Oxunub: 4 136 "Çağırış vaxtı oğlum tam sağlam olub"

Bolgexeber.com bildirir ki, əsgər atası Polad Əliyev kömək üçün Qafqaz Xəbər Agentliyinə (Qafqaznews.org) müraciət edib: “ Mənim oğlum Nurlan Əliyev 2014-cü ilin yanvar ayında Astara rayonundan ordu sıralarına çağrılıb. Çağırış vaxtı oğlum tam sağlam olub. O, əvvəlcə Gəncədəki hərbi hissədə, sonra isə Gədəbəydə qulluq edib. 8 apreldə oğlumla görüşəndə gördüm ki, onun yüksək hərarəti var. Mənim təkidli xahişlərimdən sonra onu müayinə etmək üçün Şəmkir qospitalına göndərdilər. Həkimlər oğlumun bronxlarında problem olduğu üçün onu Gədəbəydəki tibb-sanitar hissəyə göndərdilər. Orda oğlumu müayinə edən Qafur Həsənov mənə bildirdi ki, oğlunuz tam sağlamdır, sadəcə hərbi xidmətdən yayınmaq üçün özünü xəstəliyə vurub. Mən həkimdən xahiş etdim ki, mənim bircə oğlum var, onu düzgün müayinə elə. Həkim Qafur Həsənov mənə dedi ki, sənin oğlunun canı “itin canı kimi möhkəmdir”.
Oğlum yenidən hərbi hissəyə qayıdandan sonra vəziyyəti pisləşdi. Xeyli şikayətdən sonra oğlumu Gəncə qospitalına göndərdilər. Orada oğlumda Hepatit-B virusu tapıldı və onu müalicə üçün Bakı hərbi qospitalına göndərdilər. Hazırda oğlum infeksiya şöbəsində müalicə olunur. Ancaq oğlumun səhhəti yaxşılaşmır. Nurlanda çox güclü öskürək var. Həkimlər bunu oğlumun siqaret çəkməsi ilə əlaqələndirir. Amma mənim oğlum heç vaxt siqaret çəkməyib. Mənə elə gəlir ki, oğlumun müalicəsi düzgün aparılmır. Ona görə də oğlumun Bakı şəhərindəki digər klinikalardan birinə köçürülməsini xahiş edirəm”.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]