Bizimlə əlaqə | Reklam
BolgeXeber.Com » Gündəm » Təzə vəzifə alan general öz qohumlarını işə götürdü

Təzə vəzifə alan general öz qohumlarını işə götürdü

19-06-2014, 11:05
Oxunub: 3 830 Qanunun 7-ci maddəsinə görə, vəzifəli şəxsin yaxın qohumları bilavasitə onun tabeliyində heç bir vəzifə tuta bilməz

General-mayor Ramiz Tahirov Hərbi Hava Qüvvələrinin (HHQ) komandanı vəzifəsinə təyin edildikdən sonra rəhbərlik etdiyi hərbi birləşmədə apardığı dəyişiklikləri təəccüblə qarşılanıb.Bolgexeber.com xəbər verir ki, aznews.az-a daxil olan məlumata görə, R. Tahirovun komandan postuna yeni təyinatına sevinən HHQ-nın zabit-gizir heyəti bir müddət sonra qarşılaşdıqlarına təəssüflənməyə bilməyiblər.


Buna əsas yaradan səbəblərdən biri isə R. Tahirovun HHQ-da apardığı kadr dəyişiklikləri olub. Belə ki, R. Tahirovun verdiyi son qərar HHQ-da qohumbazlıq kimi qarşılanıb və buna yüksək rütbəli zabit heyəti, o cümlədən komandirlər ciddi etiraz edib. Bir sözlə R. Tahirovun xalasının oğlanlarının HHQ-da yüksək postlara təyin etməsi heç də müsbət dəyərləndirilməyib. Digər tərəfdən bu yüksək vəzifəyə təyin edilən xalaoğlanları həm də bir-biri ilə qardaşdırlar.

Xatırladaq ki, R. Tahirovun əmrinə əsasən, yaxın qohumları olan Müşfiq Şabanov HHQ Qərargah rəisinin müavini, Emin Şabanov isə arxa cəbhə təminatı idarəsinin rəisi postlara təyin edilib.

Onu da qeyd edək ki, Azərbaycan Respublikasının “Korrupsiyaya qarşı mübarizə haqqında” Qanunun 7-ci maddəsinə görə, vəzifəli şəxsin yaxın qohumları bilavasitə onun tabeliyində heç bir vəzifə tuta bilməzl
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]