Bizimlə əlaqə | Reklam
BolgeXeber.Com » Gündəm » Bu dondurmaları yeməyin

Bu dondurmaları yeməyin

19-06-2014, 17:40
Oxunub: 3 619 "Baton karamelli" və "Lovetta" adlı dondurmaların markalanmasında düzgün olmayan məlumatlar verildiyi aşkarlanıb

İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Binəqədi rayonu, Biləcəri qəsəbəsində yerləşən "S.A.B.A. Şirkəti" MMC-yə məxsus istehsalat sahəsində aparılan yoxlama zamanı markalanmasında düzgün olmayan məlumatlar verilməklə, istehlakçıların çaşdırılmasına səbəb olan dondurmaların istehsal edildiyi müəyyən olunub.

Nazirliyin mətbuat xidmətindən verilən məlumata görə, yoxlama zamanı "Charlie", "Saturn" və "Лунные Ночи" əmtəə nişanlı dondurmaların ön tərəfindəki markalanma məlumatlarının, habelə "СТАКАНЧИК", "Ice dream", "СССР" və "ГОСТ" adlı dondurmaların adları və ön tərəfindəki markalanma məlumatlarının istehlakçılarda həmin məhsulların xaricdə istehsal olunması barədə yanlış təəsürat yaradan formada yalnız xarici dildə verildiyi müəyyən edilib.

Bundan başqa, "Saturn" əmtəə nişanlı dondurmaların markalanmasında məhsulun qida və enerji dəyəri barədə məlumatın verilmədiyi, "Baton karamelli" və "Lovetta" adlı dondurmaların markalanmasında məhsulun qida və enerji dəyəri barədə düzgün olmayan məlumatlar verildiyi aşkarlanıb.

Yol verilən qanun pozuntusu ilə əlaqədar Dövlət Xidməti tərəfindən "S.A.B.A. Şirkəti" MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]