Bizimlə əlaqə | Reklam
BolgeXeber.Com » Gündəm » Eldar Əzizov Hacıbala Abutalıbovun yerinə gəlir?

Eldar Əzizov Hacıbala Abutalıbovun yerinə gəlir?

20-06-2014, 14:05
Oxunub: 3 761 Bakı meriyası uğrunda savaş bitir

«Sumqayıtın şəhər icra hakimiyyətinin başçısı Eldar Əzizov bu günlərdə vəzifəsindən alınaraq Bakı şəhər icra hakimiyyətinin başçısı postuna təyin olunacaq». Bu barədə Nazirlər Kabinetindəki mötəbər mənbə informasiya verib.

Xatırladaq ki, çoxdandır həm BŞİH rəhbəri postunda dəyişikliyin olacağı anons edilir, həm də Eldar Əzizovun Hacıbala Abutalıbovu əvəzləyəcəyi. Amma Gəncə ŞİH-dən Sumqayıtın rəhbərliyinə gətirilən Eldar Əzizovun bu arzusu gerçəkləşməmiş olaraq qalmaqda idi.

Məlumatlı mənbənin söylədiyinə görə, artıq Sumqayıt şefi istəyinə çatmaq üzərədir və hakimiyyətin üst düzəyində bu dəyişikliyə xeyir-dua verilib.

Qeyd edək ki, Eldar Əzizovla yanaşı, daha bir neçə nüfuzlu şəxs BŞİH rəhbərliyi uğrunda mübarizə aparırdı. Onların sırasında hazırda Şirvana rəhbərlik edən - Müdafiə Sənayesi Naziri Yavər Camalovun qardaşı Mərdan Camalov da var.
Dia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]