AMEA-nın alimləri Prezidentə müraciət ünvanladılar
24-06-2014, 15:20
Oxunub: 5 442
Milli Elmlər Akademiyasının müxbir üzvlüyünə keçiriləcək seçkilərdə böyük saxtakarlığa yol verilirBolgexeber.com bildirir ki, bu barədə mia.az-a AMEA-nın alimləri məlumat veriblər. Onların prezident ilham Əliyevə yazdıqları müraciəti təqdim edirik:
"Cənab Prezident!
Milli Elmlər Akademiyasının Nizamnaməsinə görə, hər 3 ildən bir bu quruma seçkilər keçirilməlidir. Təəssüf ki, ölkəmiz müstəqillik qazandığı 22 il müddətində Milli Elmlər Akademiyasına 2 dəfə seçkilər keçirilib və 30 iyun 2014-cü ildə 3-cü dəfə seçkilər keçirilməsi nəzərdə tutulub. Riyaziyyat və Fizika ixtisası üzrə akademiyanın müxbir üzvlüyünə seçilmək üçün 7 yer nəzərdə tutulub ki, bura da 62 nəfər seçkilərdə iştirak etmək üçün sənəd verib. Əldə etdiyimiz məlumata əsasən akademiyanın müxbir üzvlüyünə seçilmək üçün ayrılan 7 yerdən 2-nə Riyaziyyat və Fizika İnstitutlarının direktorları, 4-nə isə himayədarlıq nəticəsində ölkəmiz müstəqillik əldə etdiyi 20 ildən artıq bir müddətdə Türkiyə və Almaniyada yaşayıb və işləyən və o ölkələrin vətəndaşlığını qəbul etmiş Əfəndiyev Məsud Arif oğlu , Mahmudov Elmxan Nadir oğlu, Səlimov Arif Ağacan oğlu, Hüseynov Fərhad Vəli oğlu, Əsgərzadə İman Novruz oğlu, Əliyev Təhmasib Məhəmməd oğlu, Nəhmədov Ənvər Pirverdi oğlu arasından " seçəcəklər” .
Türkiyə və Almaniyada yaşayıb, işləyən və o ölkələrin vətəndaşlığını qəbul etmiş bu şəxslər Akademiyaya seçkidə iştirak edirlər və bəziləri hətta anket məlumatlarını gizlədərək, Azərbaycanda işlədiklərini yazıblar. Ölkəmizdə ikili vətəndaşlıq ləğv edilib və bu yoldaşlar hansı ölkənin vətəndaşı olmaları seçimini etməyiblər.
Cənab Prezident! Heç kəsə sirr deyil ki, İnstitutlara direktorlar heç də həmişə elmdəki xidmətlərinə görə təyin olunmurlar. Ölkəmizdən kənarda işləməyə bizlərin çoxu gedib və bir müddətdən sonra qayıdıb vətəndə fəaliyyətimizi davam etdiririk. Ötən əsrin 90-cı illərində kənarda işləyənlərin maaşları bizim buradakı əmək haqqımızdan 100 dəfə artıq, indi isə ölkəmizin iqtisadi qüdrətinin artması nəticəsində təxminən 10 dəfə artıqdır. Akademiyanın Nizamnaməsinə görə seçkilərdə yalnız Azərbaycan Respublikasının vətəndaşları iştirak etmək hüququna malik olduqlarından başqa ölkənin vətəndaşlarının seçkidən kənarlaşdırılmasına və AMEA-ya seçkilərin obyektiv keçirilməsinə göstəriş verməyinizi xahiş edirik.
Sizə böyük hörmət və ehtiramla, AMEA-nın Fizika və Riyaziyyat üzrə müxbir üzvlüyünə seçkilərində iştirak edən bir qrup alim".
Müraciətlə bağlı qarşı tərəfin münasibətini də yaymağa hazırıq.
Bolgexeber.com
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
