Bizimlə əlaqə | Reklam
BolgeXeber.Com » Gündəm » Tarif Şurası Ziya Məmmədovun gediş haqqının artırılması təklifinə "yox" deyib

Tarif Şurası Ziya Məmmədovun gediş haqqının artırılması təklifinə "yox" deyib

25-06-2014, 15:35
Oxunub: 3 291 “Çox pul qazanmaq istəyir"

“İctimai nəqliyyatda gediş haqqının artırılması ilə bağlı sahibkarlar dəfələrlə çıxış ediblər. Bununla bağlı Nəqliyyat Nazirliyinə də müraciət ediblər. Müəyyən sahibkarlar var ki, onların məsrəfləri ödənilmir. Ona görə qiymətlərin qalxmasını istəyirlər. Lakin bu məsələ Tarif Şurasının səlahiyyətlərinə aiddir”.

Bunu açıqlamasında Nəqliyyat Nazirliyi mətbuat xidmətinin rəhbəri Namiq Həsənov deyib.

“Çox pul qazanmaq istəyir. Çünki o da bankdan kredit götürür, avtobus alır. Amma hər halda zəruri addım atmaq üçün bunun üçün iqtisadi əsas olmalıdır. Bu məsələni nə sahibkar, nə də Nəqliyyat Nazirliyi həll edir. Bu ancaq Tarif Şurasının qərarından asılıdır. Təkcə bu qurum qərar qəbul etdikdən sonra qiymətlər qalxa bilər, hətta azala bilər. Bu, bazar iqtisadiyyatıdır”, - N.Həsənov deyib.

N.Həsənov xatırladıb ki, nazirlik ötən il qiymətin qalxması ilə bağlı Tarif Şurasına müraciət edib, lakin qurum bunu qəbul etməyib.

Qeyd edək ki, ölkəyə avtobusların gətirilməsi ilə məşğul olan sahibkarlar iddia edirlər ki, ictimai nəqliyyatda gediş haqqı qaldırılmazsa, 2015-ci ildə Bakıda keçiriləcək I Avropa Oyunları üçün avtobusların gətirilməsi heç bir halda mümkün olmayacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]