BolgeXeber.Com » Gündəm » Hacıqabulda dəhşətli yol qəzası: 4 ölü

Hacıqabulda dəhşətli yol qəzası: 4 ölü

8-11-2011, 10:55
Oxunub: 2 859 Azərbaycanın Hacıqabul rayonunda baş verən avtomobil qəzasında 4 nəfər ölüb.
Baş Dövlət Yol Polisindən APA-ya verilən məlumata görə, noyabrın 7-si saat 22.30 radələrində Bakı-Qazax avtomobil yolunda, Hacıqabul rayonunun Muğan kəndi ərazisində ağır avtomobil qəzası baş verib. “Hyundai Tucson” markalı, 90 CX 591 dövlət nömrə nişanlı avtomobillə Sumqayıt sakini, 1973-cü il təvəllüdlü İsrafilov İlham Müseyib oğlunun idarə etdiyi “KamAZ” markalı, 50 AC 214 dövlət nömrə nişanlı avtomobil toqquşub. Nəticədə “Hyundai Tucson” markalı avtomobildə olan 4 nəfər hadisə yerində dünyasını dəyişib. “KamAZ” markalı avtomobilin sürücüsü Şirvan Mərkəzi Şəhər Xəstəxanasına yerləşdirilib. Ölənlərin adları dəqiqləşdirilir.